استفسار ضرورى لو سمحتم فى سكودا فليشيا ؟؟؟؟

السلام عليكم و رحمة الله و بركاتة
انا اشتريت من يومين عربية سكودا فليشيا بيضا موديل 95 خلصتها على 29000 ج
العربية فيها مساعد شنطة مكسور و فرامل اليد بايظةو لمبة الصالون مش شغالة و عداد البنزين و الكيلومترات مش شغال الراجل و الميكانيكى بيقلولى العدادات و اللمبة دى اسلاك كهرباء ملمسة اى كهربائى سيارات يظبطها و بعد مجيبتها ركنتها يومين و جيت اطلعها اوديها لميكانيكى يظبطهالى لقيت البطارية نامت و مش بتقوم...
كذا واحد شافها من صحابى قالولى حلوة و كويسة و اللى فيها شوية كماليات بسيطة و اساسات العربية كويسة
بس يا ترى دة صح ؟ و لا بيواسونى لانى حسيت انى اتخميت فيها و كمان مكنتش مقتنع بالميكانيكى اللى شافها بس دة الوحيد اللى رضى يطلع يروح للعربية و صاحب العربية رافض يجى معايا لميكانيكى و دى اول عربية و لسة بتعلم سواقة و مش فاهم فيهم اوى
و لو فعلا شوية كماليات و حجات بسيطة يا ترى تكلفة صيانتهم كام؟
تغيير مساعد و تظبيط كهربا العدادات و العربية و تصليح فرامل اليد و احتمال تغيير بطارية ؟
و يا ترى سعرها كدة حلو على الحجات دى و لا كنت محتاج انزل حبة كمان؟
و سؤال تانى معلش انسب نوع بنزين اية 80 و لا 90 ؟

اولا الف مبروك وربنا يباركلك فيها
الجات ده بسيطه اهم حاجه اساسيات العربيه
وبعدين ماتور والعفشه
حضرتك جرب تشخن بطاريه ممكن تكون عاوزه شحن بس
بخصوص عداد سرعه ممكن يكون وير ده مش كهرباء ده وير للفتيس وممكن يكون العداد فيه تروس بايظه وممكن تكون عوامه بنزين بايظه او عداد
كلها حتجات بسيطه
شوف كهربائي يبص عل عوامه والانوار وميكانيكي يبص علي وير سرعه
ولو عداد الي بايظ هات واحد من عزبه شلبي مش عارف سعره كام دلوقتي بس من سنه كان من 150 الي 250 بس لو جبت بتاع عربيات الانجكشن حيقرا قريات غلط في حراره وبنزين
مساعد شنطه كان طقم تركي ب 90 جنيه من حوالي سنه ونص مش عارف ممكن يكون بقي 150
كلها حاجات بسيطه بس اهم حاجه حاله عربيه
وشكرا

بخصوص بنزين احلي حاجه في فليشيا انها شغاله ب 80 كل كام شهر ابقي حط منظف دوره بنزين وابقي نظف كربراتير بمنظف اسبراي
ووفر فلوس فرق بنزين من 90 الي 80 وغير فلتر بنزين وشكرا

اقتباس:

---

المشاركة الأصلية كتبت بواسطة مدحت سمير

اولا الف مبروك وربنا يباركلك فيها
الجات ده بسيطه اهم حاجه اساسيات العربيه
وبعدين ماتور والعفشه
حضرتك جرب تشخن بطاريه ممكن تكون عاوزه شحن بس
بخصوص عداد سرعه ممكن يكون وير ده مش كهرباء ده وير للفتيس وممكن يكون العداد فيه تروس بايظه وممكن تكون عوامه بنزين بايظه او عداد
كلها حتجات بسيطه
شوف كهربائي يبص عل عوامه والانوار وميكانيكي يبص علي وير سرعه
ولو عداد الي بايظ هات واحد من عزبه شلبي مش عارف سعره كام دلوقتي بس من سنه كان من 150 الي 250 بس لو جبت بتاع عربيات الانجكشن حيقرا قريات غلط في حراره وبنزين
مساعد شنطه كان طقم تركي ب 90 جنيه من حوالي سنه ونص مش عارف ممكن يكون بقي 150
كلها حاجات بسيطه بس اهم حاجه حاله عربيه
وشكرا

---

شكرا برد حضرتك
انا واحد زميلى حاول يشحن البطارية قامت شوية و نامت تانى قالى هات كهربائى كدة هو إللى يبص على البطارية و بقية الكهربا بالمرة
تعتقد ممكن تكون مشكلة كبيرة هى اساسات العربية كلو بيشكر فيها