حصرياااااا اسعار النترا hd 2017
http://nileup.com/up/uploads/nilemotors_14575623272.jpg
http://nileup.com/up/uploads/nilemotors_14575623271.jpg
عرض للطباعة
حصرياااااا اسعار النترا hd 2017
http://nileup.com/up/uploads/nilemotors_14575623272.jpg
http://nileup.com/up/uploads/nilemotors_14575623271.jpg
ده تجميع فى مصر ومش الشكل الجديد كمان عشان الاسعار تقل وبردك حاسس ان الاسعار غاليه شويه
يعنى شكل قديم عدى عليه زمن بنتكلم فى حوالى 10 سنين و نزل بعده شكلين - تجميع محلى و بتبدأ ب 140 !!!
الناس دى مخها تعبان و لا تمت للواقع بصله
لو عندهم ذره مخ هايبيع ب 100 -110 و هايضرب السوق كله و العدد فى اللمون
أرجع أقولك تغور من وش غبور
شكل قديم و تجميع مصرى بالاسعار دى! طيب ما بنفس السعر اجيب لانسر شارك احسن 100 مرة و تقفيل يبانى!
مينفعش نقول غير حسبي الله ونعم الوكيل!
مهما كان التوكيل توكيل و المعرض معرض
يعنى لو الوكيل عايز يرخص و يبيع عن طريق معارضه هو بس هاعمل كده و هايجبر المعارض إنها تجرى وراه
إللى يوقف عربية و يعطل سوقها مش معارض البيع أبدا إللى يعطلها هى خدمة ما بعد البيع و توفر مراكز الصيانة و قطع الغيار
فموضوع المعارض ده حجة غير مقبوله لأن الوكيل له اليد العليا هنا إن أراد
بالأسعار دي يبقي 1) مبروك لنيسان و رينو و غيرهم 2) غبور ناوي يركز علي الأسبيرانزا علشان يعمل مبيعات وشكله جيخلع من هيونداي بعد كام سنة !
خط انتاج كان المفروض يتكهن شغلوه تانى وانتجو عربية انتهى انتاجها في العالم كله وانا ماعرفش اصلا ازاى الشركة الام تسمح ان موديل لها يشتغل بعد مانتهى وايه التصريح الى واخدينه و بعد العبث ده العربية بتتباع ب 140 الف والقيمة العادلة لها لاتزيد عن 80 ده لو عاوزين يبقى عندهم ضمير لكن للاسف مؤامرة من كل الاطراف مصنعين ووكلاء ومعارض والى بيعينهم على ده سلوك مستهلكين بيرضوا انهم يشتروا السلع بأغلى الاتمان انا هضرب مثلا بالعربيات الى ممكن تجيبها بالرقم ده في اي مكان في الدنيا :
1- هوندا اكورد 2016
2 - تويوتا كامرى 2016
3- نيسان التيما 2016
كتير جدا و خسارة فيها المبلغ دة كله حرام والله
والله اللى هايشتريها هايخسر جدا
دة سعرها اغلى لما كانت تقفيل كورى
حسبى الله و نعم الوكيل
العربية دى نازله فعلا بعفشة مالتى لينك ؟؟؟؟
لا وكمان عليها stablizer bar
المفروض ان القديمة عفشتها كانت تورشن بيم فهل تم تغيير نظام التعليق هنا في مصر ؟؟؟
http://s12.postimg.org/ywzop3bq5/screenshot_77.png
image hosting
هيونداى مصر
طب العربية دى المفروض تتنافس ايه؟؟؟؟؟ وهى بالاسعار دى
غبور عمل الاتعمل فى المتسوبيشى الشارك والناس كانت بتقول نفس الكلام انهارده عامله مبيعات عاليه جداا
وسعرها زاد كمان
من ٥ سنين الالنترا الشكل ده لما كانت تقفيل كوري كانت اللانسر شارك اغلي منها باكتر من ٢٠ الف جنيه و كانت تقفيل كوري
انهارده بقت تقفيل مصري و سعرها بنفس سعر اللانسر شارك اللي تقفيل ياباني!! بجد حاجه تضحك
لا بجد تهريج واستخفاف بعقول المصريين.....تجيب شكل قديم من 7 لايتم تسويقة حاليا فى العالم حتى فى الدول النامية وكمان تقفيل محلى وكمان من 140 لحد 150 الف.....ماشى لو 100 الف او 110 مثلا هتبيع وتنافس لكن الطمع والهبل وحشيين
احنا زعلانين و كانها اول مرة
ما هيونداى كدا من زمان
خلو عبور يجمع اكسيل و بعد ما اكسنت نزلت
و فضل يجمع فيرنا بعد نيو اكسنت و اكسنت ار بي
على عموم غبور كان بيتفاوض على تجميع 3 موديلات من هيونداى و لكنها رفضت بسبب توكيل مازدا
و لما سمحوا ادوله النترا HD
و تعتبر نقلة نوعية من تجميع الفرينا ال subcompact
الى تجميع ال compact النترا hd
التسعير سببه مافيا المعارض (اللى هم اصلا مافيا الاستيراد و الخليجي و التوكيلات اللى ماتت ) اللى تغولوا بعد 2009 بسبب اتفاقيات اسقاط الجمارك على السيارات
النترا HD سعرها كتير 138-155
النترا MD سعرها 165-200
النترا AD سعرها 185-245 و دى 1.4 تربو و تم تعديل تصنفها من ال compact الى mid-size بحسب EPA
ياباشا ممكن تنزل شوية لكن ب 100 أو 110 ظلم ده 2010 مستعمل ب100 و كاملة ب110 يبقى تنزل زيرووو ب100 ازاى و هى احسن من الصنى الجديدة (ب118) و من الرينو ب110 و احسن من الاكسنت ار بى (نفس الماكنة و الفتيس و شاسيه ضعيف و ثبات اقل بس شكلها شيك )
أنا رأيى لو بدأت من 130 لغاية 140 للهاى لاين ده سعر عادل انما 100 و 110 صعب جدا و ياريت ننسى نزل بعدها شكلين صدقنى الفرق فى الشكل الخارجى و الداخلى و قليل من الكماليات انما ماكينة و فتيس من واقع التجربة الفرق بسيط مش كبيير من 121 حصان موتور النتراhd ل 130 حصان النترا MD , AD , hg و العزم من 151 نيوتن ل 156 نيوتن و تسارع تقريبا واحد و الفتيس الست سرعات فى الشكلين اللى بعده فرقوا فى التسارع بعد سرعة 120كم بفارق 10% و فى راحة الماكنة لو انت ماشى مقفل العداد و دا نادر ما يحدث حتى مع ماجانين السواقة ممكن يفرق لو انت فى السعودية و مسافر فى طرق مفتوح طوله 500 كم و لا أزيد إنما فى مصر نادر و التسارع تحت ال 100كم زى بعض مع توفق بسيط لالنترا hd
العربية سعرها زاد يا جماعة وبقت ب
142 و 146 و 150.500 و 158.500 للعادية
و
143 و 147 و 151.500 و 159.500 للمتفيمة
ما شاء الله سعرها زاد من قبل متتباع اصلا
( المصدر صفحة هيونداي علي الفيس بوك )
الكلام اللي اتقال انا معاه
الفرسة دلوقتي بقت بكام ؟
هاتسمعوا كلام فوق الخيال ياجماعه فوق الخيال
ولسه