الموضوع: الصعايدة وصلوا !!!

المشاركة الأصلية كتبت بواسطة نور القمر

الموضوع ده كتبته من اقل من سنيتن
في خلال المدة دي مشاعري اتغيرت 180 درجة ومبقاش عندي نفس الحب والانتماء للبلد زي الاول واكتشفت ان حب الاماكن مش للاماكن نفسها وانما للناس اللي فيها
ولما الناس تتغير حبك هايتغير
الموضوع كان بعد وفاة المرحوم بابا بفترة قصيرة وبعد مرور فترة اطول الناس اتغيرت
بقينا نروح البلد نقعد بالكام يوم محدش يزورنا بعد ما كان بيتنا مش بيفضى من الناس الداخلة والخارجة بالعشرات يوميا
اكتشفت ان 90% من الناس دي بتيجي لمصالحها ولما المصالح انتهت بوفاة بابا خلاص مفيش داعي للزيارات
بعد ما كان حلمي انا واخواتي نهد البيت القديم ونبني فيلا مكانه تراجعنا عن حلمنا وقلنا خسارة نصرف على البلد واحنا اصلا بقينا كارهين نزورها

أولا حمدا لله على سلامة حضرتك ويارب تكوني بخير وفي أتم عافية

بالنسبة لمشاركتك دي فتنطبق تقريبا بنسبة مائة في المائة على وضعي وعلاقتي ببلد والدي رحمه الله وأقربائى في محافظة تانية..البحيرة تحديدا....الفرق إن الموضوع ده كان من حوالي 15 سنة تقريبا والعلاقات أصيبت بفتور غير الأول تماما..والمقابلات كانت فقط في المناسبات الاجتماعية خصوصا حالات الوفاة....ولكن بقالي حوالي ثلاث سنوات تقريبا في محاولات لترميم كل هذه العلاقات وإعادة الحميمية مرة أخرى..في الحقيقة لم تكن هناك مشاكل أو قطيعة بحمد الله ولكنه مجرد الفتور...دلوقتي حاسس بالندم إني لم أحاول قبل ذلك بفترة كبيرة...وزاد إحساسي بالندم لما لقيت بعض أقربائي تعرضوا لظروف صعبة ولم أعلم بذلك إلا متأخرا وكان يمكنني مساعدتهم لو علمت في وقت مبكر....الصيف ده عزمنا عدد كبير من أقربائنا في محاولة لإعادة الدفء للعلاقات وكانت النتيجة غاية في الروعة...زعلت جدا لما قابلت بنت بنت عمتى وكان بقالي أكثر من 10 سنين لم أقابلها وهي في نفس سني تقريبا...ليه كده؟؟!!...وحاجات كتير كده...زي ما بيقولوا الدنيا تلاهي..لكن برضه..
المهم
النصحية
حاولي دايما تكوني إنتي البادئة بالوصال حتى لو كانت هناك منغصات....ده بيكون له أثر كبير جدا جدا جدا على الحالة المعنوية والإيمانية للإنسان نفسه حتى لو لم تجدي من أقربائك نفس الحرص