ايهما تفضل فى الياريس المينوال ام الاتوماتيك وانتو شايفين ان فرق
السعر بين الفول اوبشن والهاف يستاهل
عرض للطباعة
ايهما تفضل فى الياريس المينوال ام الاتوماتيك وانتو شايفين ان فرق
السعر بين الفول اوبشن والهاف يستاهل
هو يستاهل يا بيبو لسبب ان الوتوماتيك فيه abs we ebd انما المانيوال مفيهوش
على حسب انت بتحب تسوق مانيوال ولا اوتوماتيك , وامكانياتك كام , يعنى الفول اوبشن اوتوماتيك اعلى حاجة اغلى ب 15 الف تقريبا عن الهاف مانيوال طبقا للاسعار الجديدة , واكيد الفول اوبشن احسن من الهاف سواء مانيوال او اوتوماتيك
لو تقدر تجيب الاوتوماتيك من غير اوبشن خالص يبقي اريح....
السواقة في الزحمة صعب قوي بالمانيوال ..وهاتحس انك كرهت العربية ...دبرياج فرامل اول تاني اول تاني ...كل 30 ثانية ولمدة ممكن توصل لساعه ...(اخر تجربة ليا علي الدائري)...
طبعا لو اوتوماتيك ...انسي....فرامل ..وبس..لانك لما بتشيل رجلك من عليها العربية بتمشي بالراحة ...ومن غير قرف ان العربية تبطل وتسمع قصائد العزف السمفوني من العربيات ايلي وراك...
انا عن نفسي باندم اني ما جبتهاش اوتوماتيك...المانيوال ممتازة ...بس مش عايزة سواقة في الزحمة...لانها مرهقة ومتعبة ....
توكل علي الله ولو هاتشتري الياريس هاتها اوتوماتيك....حتي لو هاف اوبشن...
اتوماتيك اكيد
وريح دماغك من موضوع النقلات دى خالص
وان العربيه تطفى او لما تكون فى مطلع تريح منك للخلف
وكمان مش هتبقى خنقه من الشارع والزحمه وانزل من العربيه بعد كل مشوار رجلى متحنطه
اوتوماتيك و خصوصا الاوتوماتيك في الياريس ممتاز
بس يفضل الفول اوبشنز
شكرا ايها الاخوة الاعضاء على المشاركة فى هذا الموضوع بس فى
ناس بتقول ان السواقة يعنى منيوال بتجد فيها متعة حقيقية بالسواقة
وبتقول ان الاتوماتيك عامل زى عربيات الملاهى ممكن طفل صغير
يسوق العربية ولا تعطيك المتعة إلا فى المنيوال وممكن تحط فى موقف
واجب مع احد الاقارب او الاصدقاء لمعونته فى قيادة سيارته ولا تعرف تتعامل
معها لا انك اتعودت على الاتوماتيك غير ان مصاريف التشغيل عالية من البنزين
والصيانات
اولا قيادة السيارات المانيوال ممتعه لو كنت في سباق...ودة لانك بتعمل اوفر دريف علي العربية وبالبلدي كدة بتحرق علي النقلات وبتنقل بسرعه ...ودة بيحرق بنزين كتير وبياكل اسطوانة الدبرياج...يعني مصاريف المتعه بقيادة المانيوال هاتبقي اعلي من الاوتوماتيك....
لكن علشان تسوق عربية مانيوال في مدينة ومدينة مزدحمة زي القاهرة او اي مدينة كبيرة النهاردة....المانيوال عذاب مش متعه....هاتحس ان رجلك الشمال اتيبست...واتحولت لحجر....وفعلا بعد قيادة 3 او 4 ساعات بتكرة السواقة كلها....
الشق التاني ....
الاوتوماتيك في الياباني....ممتاز..لان استهلاكة في البنزين لا يتعدي عدة كيلومترات زيادة العربية المانيوال بتعملها في اللتر....يعني فرضا ان الاوتوماتيك هاتعمل 10 كم / لتر....هاتلاقي المانيوال يوم ما تتمعظم ...هاتعمل...13 او 14 كم/ لتر....بس الصراحة الاوتوماتيك يكسب في مقابل راحة القيادة في الزحام....ايلي بقي اساسي في المدن الكبيرة...
من ناحية الصيانة....انت هاتجيب العربية زيرو.....يعني ان شاء الله هاتاخد خيرها ....والاوتوماتيك الياباني معمر..ومش هايتعبك...الا بعد 150 ولا حتي 200 الف كم....وممكن يفضل زي ما هوة...انا شفت عربيات كرسيدا اوتوماتيك...فتيسها ما اتفتحش وشغالة تاكسي....
بص من الاخر ....الاوتوماتيك في الياريس...تحفة...وانا لولا ان كان اخر ميزانيتي المانيوال ....كنت جبت الاوتوماتيك من غير تردد...
يعني سيبك من كل ايلي بتسمعة....واسال الناس ايلي معاها الياريس الاوتوماتيك...اخبارها اية واستهلاكها في البنزين قد اية....ولو معاك تمنها هاتها من غير تردد....
ربنا يوفقك لما فية الخير....
أنا لا أقتنع بالأوتوماتيك فى العربيات ذات المحركات الصغيره وإن كنت لا أنكر مميزاته من الراحه والسهوله لكنه بيخنق العربيه
والمانيوال حلو بس على شرط الدبرياج يكون خفيف لأن اللى بيكرهك فى المانيوال هو الدبرياج التقيل
كلامك صح يا أستاذ محمد فعلا الدبرياج ليه عامل كبير فى قيادة المنيوال
صحيح ان العربيات الصغيرة 1300 الاوتوماتيك فيها مش حلو بس الاوتوماتيك 1300 تويوتاقوي كفاية يعني مش زي ال1300 اللي في اللانسر
انا كا معايا العربيتين لانسر 1300 و كورولا 1300 في الخليج و طبعا التويوتا تكسب
الصراحة للمانيوال ولا الأتوماتيك اليارس عربية فقيرة جدا وغالية جدا بالنسبة لسيارات أخرى وياريت تحاول تسوق العربية وتشوف ده بنفسك شكلها بس حو الجذاب لكن فى الجوهر تعبانة جدا بالنسبة للنسر
!!!!!!!!!!!!!!!!!!!!!!!!!!!!!!!!!!1اقتباس:
فقيرة جدا
وغالية جدا
تعبانة جدا
!
يا جماعة عايز أجيب ياريس وقلقان من التكيف ومن ثبات السيارة حد يفيدني:shine[1]:
تكييف الياريس تمام
وانت عارف ان احسن تكييف هو الياباني
اما الثبات فهو زي عربيات الفئه دي يعني مش جامد اوي او زيادة عن العربيات اللي في نفس الفئة
بس عربية من احسن العربيات في الفئة بتاعتها
الانسر التكنولوجيا اللى فيها قديمة من 2002 الى 2008 الشكل القديم"
يبقى ازاى حتبقى احسن من اليارس اللى اول موديل نزل فيها 2006"
وكفاية الموتور vvt-i ""
التويوتا تويوتا""""""
هاااااااااااات اوتوماتك وريح بالك من وجع الدماغ وبالنسة للصيانة والحبشتكنات ده انته فعلا هتاخ خير العربية يعني قدامك 6 او 7 سنين علي اما تفكر تمد ايدك في العربية وتعمل صيانة....
وبالنسبة لل اوبشنز هات علي قد ميزانيتك اقصد علي قد فلوسك لاكن اوعي تتخلي عن الاوتماتيك ..... واليارس علي فكرة عربية ممتازة جدا احسن من اللانسر علي الاقل مش مرطرطة في كل حته الواحد زهق من كتر ما بيشوف اللانسر ...... اه نسيت اقولك هات اليارس سيدان لو عايزها عائلية .
إذا كان في استطاعتك الماديه تجيب الاتوماتيك فلا تتردد
الاتوماتيك في القاهره مابقاش رفاهية ده بقي من الاساسيات دلوقتي و كمان الاتوماتيك الياباني معمر و استهلاكه في النزين معقول جداً
هية البلد دي عايزة اوتوماتيك