شوية اسئلة عن الميرا

**wael_dev** · 26-11-2008 08:55 PM

سلام عليكم

انا لسه خاااااام في العربيات ومعايا الميرا موديل 94 دلوقتي عاوز اسأل بعض الأسئلة

عاوز اعرف فين مكان مقياس الزيت بتكلم جد انا مش لاقيه ومش عاوز اروح لأي ميكانيكي مبيفهمش فيها !

لو فيه ميكانيكة متخصصين في العربية دي وفاهمين فيها ياريت عنواينهم

عاوز برضة اعرف اجيب قطع غيارها منين لأن عاوز اجيب مرايا ومستقبلآ طبعآ وكمان اسأل عن اسعار الحاجت بتاعتها واسجلها معايا

وشكرآ ليكم جدآ

**shaltot** · 27-11-2008 08:04 PM

علشان أوصفلك أقرب ميكانيكي لازم أعرف إنت ساكن في أي منطقة

:k24:

**Dr Ahmed** · 27-11-2008 11:55 PM

بدل الوصف ممكن حضرتك وانت بتغير الزيت تقف جنب الولد وتقول له كأنك بتختبره "ورينى كده مقاس الزيت دلوقت"
أماكن قطع الغيار ممكن تسأل عليها أخونا "محمد عزيز" هنا فى المنتدى ،برضه عنده ميرا وسأل كتير عنها وعن قطع غيارها اللى أعتقد فيه أكتر من محل فى الحرفيين

**عزيز محمد** · 28-11-2008 02:55 PM

محلات قطع الغيار معمول عنها موضوع مثبت فى منتدى ديهاتسو، وكذلك أشهر الصنايعية اللى بيشتغلوا فيها

وعلى فكرة هيا مش معقدة للدرجة دى بحيث لازم توديها لواحد متخصص (وساعتها يعمل لك فيها دكتور ويطلب الشىء الفلانى)، أى ميكانيكى بيشتغل فيها، المهم تكون واثق من أمانته وحسن صنعته

لما تفتح الكبوت هتلاقى مقاس الزيت عند إيدك الشمال تحت مدخل الهواء بتاع العمة، والمقبض بتاعه لونه أصفر

**Dr Ahmed** · 28-11-2008 08:12 PM

الحمد لله هو رد لوحده
بس آسف إنى عكست الإسم

**wael_dev** · 02-12-2008 04:08 PM

انا متشكر جدآ ياجماعة

انا فهمت دلوقتي ان اي حد المهم الأمانة وهوا هيفهمها بأذن الله ومتشكر جدآ علي اجابة مقياس الزيت لقيته اخيرآ :d وكان ممكن الاقيه فعلآ وانا بغير زيت بس انا قدامي لسه شوية علي ما اغيره

الف شكر