ايه راي حضرتك في شويه المنظفات دي
انا معايا كورولا 2004 مش لانسر
تفتكر حضرتك احط زيت ايه انا محتار بين المويبل و الشل 5w30 ايه راي حضرتك
[IMG]http://nileup.com/up/uploads/thumbs/...4578253331.jpg[/IMG]
عرض للطباعة
ايه راي حضرتك في شويه المنظفات دي
انا معايا كورولا 2004 مش لانسر
تفتكر حضرتك احط زيت ايه انا محتار بين المويبل و الشل 5w30 ايه راي حضرتك
[IMG]http://nileup.com/up/uploads/thumbs/...4578253331.jpg[/IMG]
العفو يا فندم .... لا شكر على واجب
الكلام النظرى انه حيفرق .... بس العملى .. حضرتك الى حتحدده ... يعنى حتلاحظ العربية اذا كانت بتبرجل او بتقطع او بتغيب فى الدوارة او مش بتستجيب بسرعة لضغط دواسة البنزين
فيه ناس كتير بتغير نوع البوجيه و مش بيفرق معاهم فى السحب
لو حضرتك لسة مركبتهمش .. ممكن ترجعه و تغيرهم بالرقم المكتوب عندك فى الكتالوج
ايه الرقم الى عندك فى الكتالوج ؟ و ايه الرقم الى اشتريته ؟؟
مش عارف اقول لحضرتك ايه اكتر من الف شكر لحضرتك
رقم البوجيهات denso sk16r11 او ngk 1fr5a11
دا اللي ف الكتالوج بس اللي جبته تقريبا نفس الارقام اللي حضرتك كاتبها يعني تقريبا بتاع حضرتك مش بتاعتي
العربيه الحمد لله ما كانش فيها ايه حاجه لا برجله و لا تاخير ف الدوراه و لا اصوات غريبه بس انا لقيت معايا فلوس زياده قولت اخليها تهيص شويه :10D5C8w1107::10D5C8w1107:
الهربيه ماشيه فوق ال200 الف و بصيت علي غطا الماتور لقيت تحته شويه حاجات كده زى الفل يعني لا مؤاخذه شبه الطين كده ايه راي حضرتك اروح لميكانيكي كويس يفك غطا و عمدان التكيهات و ننضفها بايدنا احسن انا برضو مش مطمن لنضافه السوائل مش عارف ليه
و بفكر كمان احط منظف البنزين ع الفلتر القديم و بعد ما البنزين يخصل نفك التنك و ننضفه برا العربيه خالص و نحط الفلتر الجديد بقي
ايه راي حضرتك كده احسن و لا احط السوائل دي و خلاص انا ما عنديش مشكله اني اصرف و اتبهدل مع العربيه بس عاوز اعمل الصج عشان انا اكتشفت اني كنت مهملها اوى و مش مراعي ربنا ف النعمه
للأسف .. انا مش شايف اى حاجة من صورة المنظفات الى حضرتك رفعتها
و بالفعل ... الارقام الى حضرتك كتبتها للبوجيهات مختلفة عن ارقام البوجيهات المتداولة فى السوق
جربهم شوية فى العربية .... و لو حسيت انهم مش كويسين .. غيرهم لحاجة اقرب للرقم الى فى الكتالوج
ربنا يرزقك و تخلى العربية تهيص اكتر و اكتر
انا مش فاهم فين الوساخة بالظبط .... على العموم ... ممكن حضرتك تغسلها كيماوى او تجيب شوية بنزين و فرشة ... و تغسل مكان الوساخة و تستنى لما تنشف كويس .... و تمشى عليها شوية ... لو جابت زيت ... تبص على غطاء التاكيهات ... فى الغالب ... مع مرور الوقت .. جوان الغطاء ده بينشف .. و بيبدأ يسرب زيت
الاول لازم تغسل المكان الى فيه الوساخة كويسة علشان تعرف بتجيب زيت من فين
انا مش بحب فكرة منظف دورة البنزين ده .... مش برتاحلوا
و بعدين لو حطيتوا مع الفلتر القديم ..... ممكن يدوب بعض العوالق فى الفلتر و يدخل بيها على الرشاشات و منها على الموتور .... و دى حاجة مش كويسة .... فلازم حضرتك تركب فلتر جديد الاول .. و لازم تحط المنظف على تفويلة تانك ... و تحرقها على طول ... على طريق سفر مثلا .... علشان لو فضلت فى البنزين ... بتبدأ تاكل الجوانات .. و اى مناطق ضعيفة فى التانك .... علشان كدة انا مش بحب احطها
لو عاوز فعلا ... و ده موضوع طويل ... فك التانك برة العربية ... نضفوا كويس ... و رجعوا تانى ... و ركب الفلتر الجديد
و بالمرة ... متنساش .. تنظف الرشاشات و المسطرة
ومن الخبرة ... طالما بتركب الفلتر الاصلى .. و بتداوم على تغييره فى مواعيده ... ان شاء الله مش حتلاقى فيه وساخة فى الرشاشات و لا فى المسطرة
و ربي انا ما عارف اقول لحضرتك ايه علي ذوقك بجد ربنا يباركلك ف مالك و ولادك
انا مش بتكلم عن وساخه الفرش دي وساخه المكنه من الزيوت القديمه لاني عمري ما فكرت انضفها قبل كده غير مره واحده و كانت من سنه تقريبا انا خايف الزيت يكون عامل حاجات كده شبه اللبان و الطين جوا الماتور و اكيد زمانه عامل اكتر من كده العربيه مشيت فوق ٢٥٠الف يا فندم من غير نضافه غير حياله جوان غطا التكيهات اتقطع و رحت غيرته من غير نضافه بردو و دا كان جهل مني بنضافه العربيه انا بعترف بكده و كمان العربيه تشكر انها مستحملاني و انا مهمل فيها كده و رغم ده كله عمرها ما عطلت مني ف طريق و الحمد لله هي يادوب علي اد الصيانه العاديه جدا جدااا مش اكتر
المره دي بقي انا جبت الكتالوج بتاعها و قعدت اتفحص فيه لحد ما عرفت المواصفات المطلوبه لاي حاجه ف العربيه حتي اللمبات و الوات بتاعها و الاداء كمان و اكتشفت حاجات خلتني احس اني حمار بصراحه هههههههههه و كنت عند ميكانيكي حمار قلعلي ترموستات الكوعه و قالي مفيش مشكله متركبوش بس الحمد لله ف الفتره دي ما كانش فيه اي تحميل ع الماتور سواء من سفر او جري بسرعه و كمان التكييف الحمد لله كان بايظ دا ستر ربنا و الله مش اكتر
وقررت بقي اني اظبطها رحت نازل شاري فلاتر كامله و سيور و بطاريه و راديتير و سربنتينه و تلاجه مكيف و جبتلها الزيوت و كل حاجه حسب المواصفات ما عدا البوجيهات اتخميت فيها ههههههه و جبت لها عدت طوارئ محترمه و ان شاء الله هاروح للعفشجي نظبط العفشه و اجيبلها طقم جنوط و كاوتش جديد بالمره انشاله ما حد حوش بقي و جبت المنظفات بتاع الماتور كلها من احسن بنزينه ف طنطا و كلها ليكوي مولي اصليه و جبت فرشه جلد للكراسي و عملت الارضيه جلد و هنعمل السقف و التبلوه كمان بالمره و خد عند حضرتك بقي غيرت الاكصدامين القدام و الكابوت و الفوانيس بالكامل و المساعدين و الطنابير و التيل و حتي زيت الفرامل انا لو عرفت ابوس كاوتشاتها فرده فرده هابوسها علي انها استحملتني كل ده و طبعا ترموستات كوعه اصلي و خراطيم دوره التبريد كامله و قولت ارشها رشه نضافه بقي بعد الحادثه ربنا يكفيك الشر اللي خلتني اكتشف كل ده و ان شاء الله هاتطلع من عند البوهيجي و السمكري بعد بكره ادعيلي بقي ربنا يهديلي العفشجي و الميكانيكي و الكهربائي و اخصائي التكييفات و بتاع الكمبيوتر عشان نركب الحاجات دي
و سافرت القاهره مخصوص عشان اجيبلها اسبويلر هههههههههه مع انها ٢٠٠٤ و كمان ١٣٠٠سي سي بس و الله العظيم تساهل السلامه دا انا بهدلتها بهدله ربنا وحده يعلم بيها
وجبتلها نيكل بقي للمرايات و الاوكر كلها
كل الناس لما حصلت الحادثه قالتلي بيعها و انا مش هاين عليا بعد ما شافت معايا سنين الشقا دي كلها ارميها مع اول وقعه منها و خصوصا انها ما اذنبتش ف حاجه و لا زعلتني ف حاجه بحس انها ابني و الله ههههههههه
ادعيلي يا باشمهندس بقي
ربنا يباركلك فى العربية و يكفيك شرها
انا كنت بتكلم عن غسيل حوض الموتور ... ساعات بيسموه غسيل كيماوى برضوا ... بيتغسل بفوم و احيانا بيتغسل بجاز .. و بعد كدة تلاحظ سبب تكون الوساخة .... فى الغالب .. بيكون زيت بيسرب و بيلم التراب حواليه
و زى ما بيقولوا ....و طول ما ايدك فى العربية ... متزعلكش .. و تعيش معاك ...
لا تقلق من موضوع البوجيهات .... ان شاء الله تمشى معاك كويس .... و لو تعبتك ... غيرها بالبوجيه الى مكتوب عليه 5 و فى الاخر 11
ربنا يعوض عليك و يباركلك ... :)
كلام جميل
بس ممكن اعرف ازاي افك البوابة علشان تتنظف علشان انا فكت الحساس ونظفته لكن مفكتهاش قبل كده
وبعدين انا مركب بوجيهات دانسو تفرق في العربيه ولا بوجيهات ngk أحسن
وشكرا