الموضوع: مواسير سباكة بننجر ولا جى أم ؟

انهاردة فيه سباك جه و انا مكنتش موجود بس كنت موصى الناس تقوله انه هيشتغل ببنجر لان كل الناس الى اعرفهم بتشكر فى بننجر جدا و بتقول انه يعتبر نمرة واحد فى المواسير حاليا و فجأه من شوية اتصلوا قالولى ان السباك قال ان مواسير جى أم احسن من بننجر و الاتنين نفس السعر هل الكلام ده حقيقى و الاتنين نفس السعر فعلا و جى ام افضل ولا هو بيستسهل و عايز يضرب الفرق فجيبه ؟
الاهم من ده كله ليا واحد صاحبى شغال تحته فنيين او سباكين برضه قالوله ان البننجر افضل

و سؤال تانى ممكن اعمل عزل الارض عشان سقف الدور الى تحت بعد تركيب المواسير ولا لازم قبلها ؟

رديت عشان لو حد وقع فى نفس مشكلتى دى يقرا الرد
العزل هيبقى بيتومين الى هو البلك الجاهز مع عمل مجره صغيرة عند اطراف الحمام و المطبخ بحيث انه لو حصل اى تسريب فيما بعد لا قدر الله و ده مستحيل يحصل طالما هيتعمل كبس يبقى عند المنور و دى لاصعب الظروف
المواسير باننجر و المفروض السباك يعملها كبس ادامك و تتأكد قبل مايمشى انه مفيش تسريب عشان الشركة متجيش على الفاضى لان لو فيه تسريب الشركة مش هتديك ضمان و بعدها تتصل بالشركة تكبسلك مرة تانيه و ده الكبس النهائى و لو تمام 100% هتديك ضمان