للساده خبراء اكسنت موديل 99

**poopoo_966** · 26-11-2008 10:01 PM

انا الحمد لله اشتريت اكسنت 99 ال1500 سى سى حالتها تمام و صاحبها افادنى بالنسبه للصيانه انه مغير السيور كلها من 10000 كيلو و هى عامله 139000 وقت الشراء لما سالته اغير ايه قالى زيت و بوجيهات على ال 140 وهو بيحط موبيل كل 10000 و مجابش سيرة عن فلتر الهوا و البنزين فهل اغيرهم و لا لا و على فكرة هو فين مكان فلتر البنزين اصلى تقريبا مش شايفه و لا لما احل العمه هشوفه و لا فى كلام كدة لبعض الاعضاء فى الفيرنا انه تحت الكنبه يا ريت حد يقولى وكمان قالى ابقى بص على التيل الامامى و انت بتغير البوجيهات و الزيت طب ابص كمان على الخلفى و لا ايه واى حاجه ممكن تفيدنى يا ريت حد يقولى و ابقى مشكور

**abouelmaggd** · 26-11-2008 10:34 PM

اولا مبروك على العربية ، انا معايا اكسنت 2005 من حوالى 4 شهور انا غيرت الزيت والفلتر بس اول ما جبتها ، و بعدين غيرت فلتر الهواء عشان كانت مخنوقة ، فلتر الهواء سهل اوى و جبت الكورى ب 15 جنيه ، لقيت سحبها كويس و مبتقطعش و فلتر البنزين بتاعها الاورجينال فمغيرتوش عندك مش عارف موضوع الانجكشن هيختلف و لآ لا انا عندى كربراتير و فلتر البنزين فى الحوض من تحت اقرب للشمال .

**poopoo_966** · 26-11-2008 10:49 PM

المشاركة الأصلية كتبت بواسطة abouelmaggd

اولا مبروك على العربية ، انا معايا اكسنت 2005 من حوالى 4 شهور انا غيرت الزيت والفلتر بس اول ما جبتها ، و بعدين غيرت فلتر الهواء عشان كانت مخنوقة ، فلتر الهواء سهل اوى و جبت الكورى ب 15 جنيه ، لقيت سحبها كويس و مبتقطعش و فلتر البنزين بتاعها الاورجينال فمغيرتوش عندك مش عارف موضوع الانجكشن هيختلف و لآ لا انا عندى كربراتير و فلتر البنزين فى الحوض من تحت اقرب للشمال .

الله يباريك فيك و مبروك انت كمان وشكرا على الساعده انا عارف ان حاجتها رخيصه بس الواحد عايز يركز على اللى فعلا عايز يتغير و بعدين يدور على الباقى

**dr_walid** · 27-11-2008 01:27 PM

انا كمان جبت اكسنت 1500 موديل 1999 وناوي اعملها صيانة ال 100000
ومش عارف اغير فيها اية بالضبط ياريت حد يفهمنا اية الى ممكن يتغير و يكلف كام

**poopoo_966** · 28-11-2008 12:32 AM

شكل كدة الجماعه بتوع قسم هونداى مش معترفين بالهونداى القديم معاشات بقى يلا المهم يا باشا انا انهارده عملت صيانه على قدى كدة غيرت فلتر البنزين ب30ج+فلتر هواء 25ج+بوجيهات يابانى واحد شمعه ب 45ج و عند التركيب لاقتها 3شمعه ركبتها و روحت دفعت الفرق 20ج يعنى 65ج الطقم+زيت موبيل 1 ب235+فلتر زيت اصلى ب 20ج العربية فاقت الحمد لله و شويه كدة و اكشف على تيل الفرامل ادام و ورى