عربية مستعملة فى حدود 90 الف الى 115 الف

:bravo:
اذيكم ياجماعة بشكر جدا كل الناس اللى بتساهم بوقتها وخبرتها فى المشاركات
اللى على قد ما بتحيرونا وتلخبطونا الواحد بيستفاد منكم
انا كان معايا كريستالة لانسر 99 وبعتها وقررت اعلى شوية
أولا : السعر
زي ما انا كاتب فى العنوان حدود السعر اللى معايا كل اللى معايا من 90 الف لحد 115 الف وعامل حسابي فى 5 الاف كمان احتياطي عشان لو العربية محتاجه حاجه

ثانيا : محتار بين كام عربية بالترتيب كده تويوتا كورولا والنترا وسيراتو وهاتشباك فيه ماتريكس وكارينز شوفتوا الحيرة ازاي كل شوية حد يقترح عليا نوع

ثالثا : متطلباتى فى العربية
تكون اقتصادية في البنزين وقطع الغيار
تكون قليلة فى اعطالها عشان انا مش فاضي اروح للميكانيكية
تكون واسعة وعالية عن الارض وتستحمل أوزان عشان احنا اسرة وعلى الاقل تاخد 3 ورا وماتخبطش فى المطبات

رابعا : الحيرة
شكلا انا بيعجبني شكل السيراتو
الالنترا مبحبش الشكل القديم رغم ان الناس بتشكر فيها بحب شكل الجديد
كل الناس بتقولى خليك فى التويوتا قولت ماشي لقيت الفلوس مش هتجيب غير تويوتا موديل لحد 2007 وانا مش حابب الشكل القديم فيها
الغريبة بقى ان السعر بين الشكل القديم والجديد متقارب يعنى موديل 2010 لقيته قريب من 2007 او اقل كمان
هل فيه فرق فعلا لصالح القديم فى التويوتا وايه حكاية الجنوب افريقى دي بلاقيها فى اعلانات التويوتا

اما الماتريكس فعجبنى الشكل الجديد بتاعها ولكن صالونها مش عجبنى مشوفتش الكارينز ومعرفش معلومات عنها
اسف اسف اسف اسف اسف اسف اسف اسف على الاطالة

:Zb_sor1[1]:

لو مكان حضرتك سيراتو حاله شاذه اعلي فئه
وبدون تردد

اول اختيار ومن غير متفكر (وانسي كلمة بحب ومبحبش فيه حاجه اسمها مناسب ومش مناسب)

كورولا اوتوماتيك من 2004 ل 2007 اوتو 1300 موفره جدا فى البنزين وطبعا ال 1600 ممتازه وقوة سحب والبنزين كويسه وطبعا الموديل اللى مشعاجبك ده احسن موديل فى الكورولا وزيرو اعطال تكييف تلاجه صالون واسع وانسي المطبات ومشمهم راشه باستثناء طبعا السقف والشنطه والكبوت المهم تكون الرخصه باسم المالك يعنى لا توكيل ولا عقد مسجل رخصه باسم المالك والعداد يكون قليل ولازم تكشف كويس ومتستعجلش وده منطبق على كل المستعمل

النترا من 2009 ل 2011 كلها مميزات ماعدا مساعدنها الخلفيه ضعيفه شويه فطبعا هتحتاج عفشجى يظبط المساعدين الخلفيه مع علايات خلفيه والدنيا هتبقى تمام

الماتركس ودى انا برده بشجعك ليها لانها عربيه بنت حلال وتشترى حاله نضيفه اوتوماتيك وبهدل براحتك عربيه بتاعت مرمطه فعلا وحمل وركب زى مانت عايز وبنزينها كويس وقطع غيارها وصيانتها ببلاش

السيراتو لو بتسافر لانها جرايه بس عفشتها مشمريحه يعنى اللى هيركب ورا مشهيبقى مستريح فده قرارك بس عربيه ممتازه

الكارينز التطور الطبيعى للماتركس بس بتتفوق اكتر فى الوسع والفخامه بس ياعبها استهلاك بنزنها عالى مع الاسف لان جسمها تقيل عالموتور وكفاءة تكييفها مش قد كده فى الزحمه بس عربيه جميله وعمليه جدا

من الا خر كل العربيات اللى فاتت ممتازه واللى تلاقى منه عربيه حالتها نضيفه وسعرها حلو خلص من غير تردد لانها لو معجبتكش هتبعها بسهوله وتكسب فيها كمان

اقتباس:

---

المشاركة الأصلية كتبت بواسطة memo823000

اول اختيار ومن غير متفكر (وانسي كلمة بحب ومبحبش فيه حاجه اسمها مناسب ومش مناسب)

كورولا اوتوماتيك من 2004 ل 2007 اوتو 1300 موفره جدا فى البنزين وطبعا ال 1600 ممتازه وقوة سحب والبنزين كويسه وطبعا الموديل اللى مشعاجبك ده احسن موديل فى الكورولا وزيرو اعطال تكييف تلاجه صالون واسع وانسي المطبات ومشمهم راشه باستثناء طبعا السقف والشنطه والكبوت المهم تكون الرخصه باسم المالك يعنى لا توكيل ولا عقد مسجل رخصه باسم المالك والعداد يكون قليل ولازم تكشف كويس ومتستعجلش وده منطبق على كل المستعمل

النترا من 2009 ل 2011 كلها مميزات ماعدا مساعدنها الخلفيه ضعيفه شويه فطبعا هتحتاج عفشجى يظبط المساعدين الخلفيه مع علايات خلفيه والدنيا هتبقى تمام

الماتركس ودى انا برده بشجعك ليها لانها عربيه بنت حلال وتشترى حاله نضيفه اوتوماتيك وبهدل براحتك عربيه بتاعت مرمطه فعلا وحمل وركب زى مانت عايز وبنزينها كويس وقطع غيارها وصيانتها ببلاش

السيراتو لو بتسافر لانها جرايه بس عفشتها مشمريحه يعنى اللى هيركب ورا مشهيبقى مستريح فده قرارك بس عربيه ممتازه

الكارينز التطور الطبيعى للماتركس بس بتتفوق اكتر فى الوسع والفخامه بس ياعبها استهلاك بنزنها عالى مع الاسف لان جسمها تقيل عالموتور وكفاءة تكييفها مش قد كده فى الزحمه بس عربيه جميله وعمليه جدا

من الا خر كل العربيات اللى فاتت ممتازه واللى تلاقى منه عربيه حالتها نضيفه وسعرها حلو خلص من غير تردد لانها لو معجبتكش هتبعها بسهوله وتكسب فيها كمان

---

+1
اعتقد التويوتا عمليه اكتر فى كل حاجه .. المهم كيلومتر قليل لاى عربيه تجيبها

سوزوكى سياز او رينو لوجان زيرو او جين تو زيرو وريح دماغك من الكشف على المستعمل

مشكورين ياجماعة بس انتو زودتي حيرتى انا عاوز نوع واحد عشان ابدأ ادور
هو انا تقريبا رسيت على التويوتا بس فيه واحد قالى اللى يخليك تدفع 115 وتجيب موديل كورولا قديم نخليهم 120 او 125 ونجيب كورولا 2008 يابانى
انا سمعت مشاكل على الموديل بتاع 2008 و 2009 ده كتير هل ده على الجنوب افريقى ولا على كل اليابانى

اقتباس:

---

نا سمعت مشاكل على الموديل بتاع 2008 و 2009 ده كتير هل ده على الجنوب افريقى ولا على كل اليابانى

---

خلى بالك الجنوب افريقى ده فتيس مانيوال بس بينقل زى الاوتوماتيك اسمه mmt على ما اتذكر

و هى كانت ارخص من الاوتوماتيك وقتها بفرق كبير فى الزيرو حوالى 30 الف جم بالتقريب

و ما كنتش محبوبه .. و ما اعرفشى سمعتها دلوقتى ايه .. بس دى عربيه مختلفه و فتيسها مانيوال

انا اتفرجت عليها وقتها و تشطيب الفرش و الصالون كان موش حلو

:up: