تجربتى مع فتيس اتوماتيك النترا hd
السلام عليكم ,
انا حبيت انقل لكم اللى حصل معايا علشان الناس تاخد بالها وما تقعش فى نفس المشكله اللى حصلتلى ..... فى البدايه العربيه كانت بتمشى كويس جدا لحد ما وصلت تقريبا 60000 كيلو بقيت وانا مسافر على طريق سريع ومتخطى ال 120 لو جيت اقف مثلا عند كارته العربيه تبطل ..... رحت مركز صيانه جنب جسر السويس (مش عارف ينفع اقول اسم المركز ومكانه ولا لا) المهم الراجل اللى هناك قاللى ده تقريبا حساس الكرنك ولازم تغيره وهو مش بيظهر على الكمبيوتر لو بايظ وفعلا غيرته بعدها كنت مسافر فخليت حد من اخواتى راح يغير هو زيت الفتيس والفلتر الزيت اتغير بزيت موبيل ..... لما رجعت لاقيت العربيه بدأت تبطل حتى وانا جوه القاهره يعنى من غير جرى ولا حاجه .... رجعت تانى لمركز الصيانه بعد ما تقريبا ضيعنا اليوم كله واحد كان واقف معاهم قالهم بصيتوا على زيت الفتيس ؟؟
طلع ان الطابه ما كنتش مربوطه كويس وبتسرب زيت والزيت كان تقريبا فى الاخر خالص فالعربيه لما كنت باضرب فرامل الفتيس لما مش بيلاقى زيت ويقلل الغيارات تقوم العربيه تبطل ..... طبعا زعيق وخناق المهم زودوا الزيت وقررت ما ارجعش المركز ده تانى
انا سألت فى التوكيل تكلفة الجير بوكس كام قالولى 35000 جنيه
فى الحرفيين استيراد 4500
الحمد لله الفتيس عندى سليم وشغال بس حبيت انقل التجربه علشان الكل يستفيد وشكرا