معايا رينو لوجان 2010 مانيوال بتستهلك بنزين بطريقة غير طبيعية يعنى اخر مرة مشيت 150 كيلو وفولت 32 لتر والكمبيوتر كاتب 16 لتر لكل 100 كيلوأرجو الافادة من الاعضاء
عرض للطباعة
معايا رينو لوجان 2010 مانيوال بتستهلك بنزين بطريقة غير طبيعية يعنى اخر مرة مشيت 150 كيلو وفولت 32 لتر والكمبيوتر كاتب 16 لتر لكل 100 كيلوأرجو الافادة من الاعضاء
( لو مشى طبيعى .. موش وقوف كتير فى الاشارات )
اعتقد على المعدل ده .. احتمال كبير ان الكمبيوتر يسجل كود خطأ لو كان معدل الزياده فى الاستهلاك اكثر من الطبيعى ب 25% ( بصفه عامه النسبه المئويه دى اعتقد لليابانى و معرفشى لرينو بتكون كام ) .. ابقى اكشف عليها و شوف
حضرتك حسبت الاستهالك يدوي ولا كومبيوتر
-لو يدوى اذن توجد مشكلة فى دورة الوقود
لو أغلب سواقتك في أماكن زحمة وشوارع بطيئة... يبقى ده استهلاك طبيعي جدا.. خصوصا إذا كنت من هواة الضغط على دواسة البنزين للحصول على تسارع أعلى.
وإذا كانت سواقتك فيها شيء من المشي على الطرق المستقيمة.. زي الدائري مثلا.. فالمفروض إن الاستهلاك يكون أقل من كده..
مبدأيا.. راجع على فلتر الهوا.. ضغط الهوا في الإطارات.. حالة البوجيهات..
وراجع الموضوع ده.. يمكن تلاقي المشكلة بعد ما تقراه..
http://www.nilemotors.net/Nile/475925-a.html
...
احسبه يدوي بعيد عن الكمبيوتر وقولنا
انا 2010 بتعمل 10 لتر لكل100 ك
داخل المدينه وسرعه مش عاليه
لو الاستهلاك العالى مصحوب بإحتراق غير مكتمل (دخنة سودا طالعة من الشكمان زى العربيات السولار) يبقى عندك مشكلة فى العربية :
--حساس الشكمان كفاءته ضعيفة او تالف (lambda sensor or oxygen sensor)
او حساس ضغط المانيفولد (map)
او الفتر
أو البوجيهات
أو البوبينة
أو علبة شكمان مخبوطة و نتج عنها سدد او جواها سدد
مش باقى حاجة فى العربية كدة :grinder:
و الكشف عن الحاجات اللى فاتت الأسهل فالأسهل و يمكن الإستعانة بصديق بالكمبيوتر بتاعه
يعنى تشيل الفلتر و تشوف المعدل ....تغير بوجيهات....تفصل فيشة حساس الشكمان و تشوف...تفصل فيشة ال MAP و تشوف
لو الاستهلاك العالى غير مصحوب باى إحتراق غير مكتمل ممكن دا يكون نتيجة الزحام الشديد خاصة مع تحميل العربية...و ممكن السادة الأفاضل ملاك العربية يدلوك على متوسط استهلاك العربية
على الحساب اليدوى .. 94 كم فى الصفيحه ( اذا كانت معايرتك سليمه )
على حساب كمبيوتر العربيه .. 125 كم فى الصفيحه
لو فيه جهاز تشخيص اعطال فيه امكانيه قراءه الحساسات .. يبقى تجيب من الاخر و تبص على قراءه LTFT >> Long trim fuel trim
لو لقيته فى حدود 3% زياده مثلا .. يبقى احتمال كبير ان الاستهلاك يكون طبيعى .. و الاستهلاك بسبب مثلا وقوف كتير فى اشارات او غيره من الاسباب ( قياده لمسافات قصيره جدا .. مشاويرك قريبه .. العربيه بارده دائما )
لو لقيته اكثر كثيرا من 3% ( 10% مثلا ) يبقى فيه مشكله بتجعل الكمبيوتر يضخ بنزين زياده للبساتم .. و تبتدى تبحث عن السبب
اضافه للاسباب المحتمله التى ذكرت سابقا راجع على الاتى
1- اى تسريب فى خراطيم الفاكيوم .. لان التسريب ده لوحده يجعل الكمبيوتر يضخ بنزين زياده ( و العربيه مفيش فيها اى مشاكل ميكانيكيه )
و ده تفسيره ان حساس الشكمان حيقرأ وجود اكسجين زياده عن الطبيعى فى العادم ( حريق فقير Lean ) .. و بالتالى الكمبيوتر سيعطى امر بزياده البنزين لاغناء الحريق .. و بالتالى العربيه تأكل بنزين ( برغم ان حساس الشكمان سليم و الرشاشات سليمه ) .. و ده سيظهر فى قراءه LTFT
2- اتأكد برضه ان ال EGR نظيف و موش شبه مسدود .. و ده هو صمام ارجاع العادم لادخاله مع الهواءالجديد مره اخرى للبساتم
أنا عندى 2012 أستهلاكها فى الزحمة 9 لتر / 100 كم و بأعتبره عالى كده يبقى ده مش طبيعى خالص و هى ياأما حساسات يأما بوابة يا أما كمبيوتر
بشكر كل الاعضاء على الردود المفيده وانشاء الله هجرب واقولكم النتيجه.
تحياتى،،،،،،