أحترت في دركسيون لانوس 2015

**angel83** · 13-03-2016 09:04 PM

السلام عليكم
معايا لانوس 2015 عامله الان 10000 كيلو اول ما جيبتها جديده ظهرت صوت طقه في الدركسيون رحت التوكيل قالولي دي اسكترا وهنغيرهالك وغيروها وبعدين مشيت بيها شويه لقيت الصوت ظهر تاني بس المره دي والعربيه مبطله وبعد الدواره عالطول وبعدين بتختفي بس بسمع زي صوت خبطه في اخر عمود الدركسيون بحسها اكتر في السرعات البطيئه وخصوصا بتبقي مسمعه في دواسة الدبرياج وفي المطبات الجامده من الناحيه الشمال بحس بصوت زي صوت جلب المقصات لما تكون بايظه بس ياجماعه العربيه لسه 10000 كيلو مش عارف ايه الصوت ده كمان ممكن يكون جلب المقصات بايظه كمان ولا كل ده عيب مسبباه قطمة الدركسيون
ارجوكم ياخبراء المنتدي ساعدوني وافتوني في امري عشان تعبت ومتحسر من كل العيوب دي في عربيه زيرو

**عبدالله برعى** · 13-03-2016 09:57 PM

فى العموم اجزاء التعليق والعفشة
- احتمال كبير جلد للمقصات اوالبيضات

**mora_f** · 14-03-2016 08:30 AM

بص حضرتك ممكن تكون بيض المقص الموضوع ده حصل معايا في النوبيرا بعد ظبط الزوايا عمل زرجينة في المقص خله البيضة تتحرك من مكانها لو هيا حلها تحل المقص و تفور زنب البيضة و تركبلها مسمارين كبار بصامولة

**angel83** · 16-03-2016 12:15 AM

يعني الوصف اللي انا وصفته ده مش ممكن يكون بسبب او اعراض قطمة الدركسيون
فين خبراء المنتدي

**angel83** · 16-03-2016 06:36 PM

ياجماعة افتوني في امري وجزاكم الله خيرا

**a_badwy** · 19-03-2016 01:02 PM

انا نفس المشكلة ظهرت عندى لانوس 2013 وكانت العربية ماشية حوالى 16-17 الف وكشفت عليها بره التوكيل لاقيتها اسكترا وروحت التوكيل وفعلا غيروهالى وبقت تمام
فانت اكشف على العربية بره واكشف على الاسكترا اللى ركبوها ممكن يكون لسه فيها مشكلة وربنا معاك