ماهى الاجراءات لنقل ملكية عربية والدى المتوفى

**أبو صلاح** · 16-03-2016 03:27 PM

المشاركة الأصلية كتبت بواسطة fast07

اللهم يتقبل
جزاكم الله خير
فعلا انتو نبهتونى ان المحامى اللى معايا ده ضايع
وروحت لغيره وفعلا التوكيل لاغى بموت صاحبه لكن هناك عقد غير مسجل وبالتالى قضيه صحه ونفوذ لتسجيل العقد ومن بعد ان شاء الله تبقى العربيه بالتبعيه ملك الورثه والاجراءات تبقى سهله باذن الله

بس بعد ماخلص القصه دى
ايه بقى الاجراءات المعتاده لتجديد رخصه سياره شاهين 2008 منتهيه من 7 شهور فى مرور حلوان

على حد علمى ان لما تاخد صحة بيع ونفاذ بتطلع بيه على طول على المرور وتنقل ملكية العربية عادى باجراءات نقل الملكية وهي كالاتي :
اولا بتروح المرو اللي انت تبعه وتعمل فحص وبعد كده تروح على مرور العربية تعمل مطابقة بصمة وترجع على مرورك تدفع ضريبة وتامين اجبارى وتستلم الرخصة الجديدة

**mohamed2002** · 18-03-2016 11:13 AM

طيب ما تشوف اللي باع العربية للحاج الله يرحمه يمكن يكون محترم ويعملك توكيل باسمك

**fast07** · 23-04-2016 11:48 PM

الحمد لله تواصلت مع الشخص البايع وطلع شخص جدع وشهم جدا وعملي توكيل وعملت بيه عقد فالشهر العقاري

اللي عرفته اني اجيب شهاده المخالفات من الدراسه هل لازم قبلها اطلع شهاده بيانات اروح بيها عشان الرخصه منتهيه
لاني طلعت شهادتين للشهر العقاري
وايه باقي الاجراءات وهتكلفني كام

**ahmedwagdy03** · 27-04-2016 11:24 AM

البقاء لله أولا

كان لي تجربة مشابهة لشراء سيارة صاحبها متوفي و له ولد قاصر بس السيارة كانت من ضمن التركة و علشان كدة لازم يدخل فيها المجلس الحسبي لوجود قصر .

أحسن حاجة إن البائع عملك التوكيل مباشرة . إلحق إعمل صحة توقيع