Fiat Punto Classic vs Kia Picanto

**Einstein_EG** · 27-11-2008 11:38 AM

مقارنة صعبة جداً عليا ، بين البيكانتوا اوتوماتك او مانيوال فول ابوشن ، و البونتو فيات و المعطيات كالتالى

كيا بيكانتو

1100 سيسي ، توفير اكتر ، استهلاك بنزين اقل
اوتوماتيك
سنتر ، باور كهرباء ، كاسيت CD و اشارات فى المراية
تكييف
سنترلوك
زجاج كهرباء امامى
لا يوجد ايرباج او ABS
اوسع من الداخل
ضمان 5 سنوات مع توكيل ثقيل المركز و عناية محترمة
كورى الصنع و التقفيل (حسب معلوماتى)
65 حصان
الشكل شوية بناتى لكن بالالوان الغامقة الموضوع بيتحسن و مايمنعش انه جميل جداً
اكصدامات و مرايات بلون العربية .
فرش معقول.
شنطة صغيرة و لا احتاجها
لا اعرف بقيه الكماليات لكن اللى يعرف يا ريت يقولى
السعر 71 الف للاوتوماتيك و 66 للمانيوال (بدون اشارات فى المراية و لا كاسيت سى دى )
جنوط عادية مقاس 14

الصور

نيجى بقى للبونتو

1300 سي سي و اللى بعتبره احسن سعه محرك تجمع بين القوه و التوفير
8 فالف و 60 حصان
شكل جميل جداً ذكورى اكثر من البيكانتوا و اكثر وقاراً (تقدر تلبس بدلة فيها من غير كسوف )
ايطالى الصنع و التقفيل (لا اعرف اذا كان هذا عيب ام ميزة)
مانيوال
شنطة اكبر من البيكانتو و بتاخد من المساحة فى الداخل نسبة قليلة
اجمل صالون و فرش رأيتهم فى عربية صغيرة
نقطة مهمه جداً 2 اير باج
تكييف ( لا اعرف مدى كفاءته)
باور اليكترونى بدرجتين متحكم بهم (عادى / سيتى ) فى حالة سيتى الباور يكون مضاعف سهولة تحكم اكبر
سنتر لوك بالمفتاح
لوحة تحكم رائعة مع عدادات للرحلة trip computer(متوسط سرعة ، مسافة مقطوعة ، زمن ، بنزين ،...)http://www.flixya.com/video/322765/T...Classic_part.4
زجاج كهرباء امامى
كشافات شبورة
جنوط اسبور 14 بوصة
كاسيت CD و اربع سماعات.
علو عن الارض معقول.
لم اجرب صوت المحرك.
نعومه فى النقلات بدون صوت للفتيس.
ضمان 3 سنوات بدون عدد محدود للكيلوميترات مع متابعة aftersales (حسب اداعائهم) ، معنديش فكره عن خدمة التوكيل ، ياريت بردة لو فيه معلومات اكتر تفيدونا بيها.
كبوت اكبر بكثير راجع لمسافة كبيرة بين مقدمة السيارة و الموتور فى الداخل طبعاً دى ميزة كبيرة لكن عيب فى نفس الوقت فى الركنات او الملفات
72000 جنية

الصور

Trip Computer
http://video.aol.com/video-detail/tr...rt1/1784348907

المهم ، انا حابب البونتو اكتر خصوصاً ان فيها كامليات اكتر ، لكن خايف من

التوكيل و الضمان
التكييف
قطع الغيار
صوت المحرك
علو السيارة
اى عيوب اخرى قد تظهر

و فى نفس الوقت ، البيكانتو اثبتت كفاءة فى نقط كتير من دى لكن اللى خايف منه

ال 1100 سى سى تكون مش كافيه خصوصاً مع الاوتوماتيك ، و التكييف و السفر . يعنى مش عارف لو اجيب بيكانتو اجيب مانيوال و لا اوتوماتيك
الاوتوماتيك و مشاكله اللى معرفش عنها كتير
حتى لو مانيوال هل ال 1100 سى سى هتكون كافيه ؟
الكماليات ضعيفة

مش عارف اختار اية ؟ الشكل الاتنين حلوين و لو انى افضل البونتو، السعر الاتنين مقبولين لكن البيكانتو ارخص ، الخدمة البيكانتو مضمونة خدمتها و توكيلها ، الموتور البونتو تكسب ، الكماليات البونتو تكسب بالايرباج 2 و الجنوط الاسبور و كمبيوتر الرحلة (العداد اللى الفيديو انا حاطه فوق) و كمان التحكم فى الباور اللى بيسهل الركنه تماماً ، الشنطة البونتو ، و الفرش البونتو ، الكنبة الورانية البيكانتو ، الكبوت و حجمة و الزجاج الامامى البيكانتو تكسب .

حد عنده معلومة انا مش عارفها ؟ حد جرب حاجة من دول ؟ حد عنده حاجة عاوز يقولها ؟

شكراً يا رجالة

**Einstein_EG** · 27-11-2008 12:19 PM

شكراً يا باشا ، طيب اية اخبار الضمان ، و مش بتاعه سرعات يعنى اية ؟ قصدك السرعة القسوى و لا التسارع Acceleration السحب يعنى ؟
و هل البيكانتوا اعلى فى مستوى السرعة دا ؟

**CryptonX** · 27-11-2008 12:32 PM

المشاركة الأصلية كتبت بواسطة Einstein_EG

شكراً يا باشا ، طيب اية اخبار الضمان ، و مش بتاعه سرعات يعنى اية ؟ قصدك السرعة القسوى و لا التسارع Acceleration السحب يعنى ؟
و هل البيكانتوا اعلى فى مستوى السرعة دا ؟

اولا احب اقولك حاجة

البيكانتو فئة و البونتو فئة تانية ( اكبر ) من حيث التصنيف .

ولكن تقارب اسعارهم هو الي خلى المقارنة موجودة .

ارجع لاسئلتك :

التوكيل و الضمان :
لتوكيل مثل اي توكيل في مصر - ليه مساوئ و ليه مزايا و لكن ميزة البونتو ان حتى لو التوكيل قفل قطع غيارها في كل مكان .

التكييف :
التكيف متوسط مش ياباني مثلا و مش شاهين :) هو 4 درجات في عز الحر ممكن تحتاج تصل بيه الي 3 و 4 بس لدقائق و ترجع تتزله تاني .

قطع الغيار : متوافرة و علي جميع الاذواق - من التوكيل ومن برة - ايطالي - اسباني - الماني - صيني - تايواني و تركي .. كله .

صوت المحرك : عزل السيارة جيد جدا فحتى لما الصوت بيعلى مش بيضايق خالص جوا .

علو السيارة:
متوسط لاهي خالية اوي ولا واطية بس لو مركب فيها ناس لازم تاخد بالك .

اى عيوب اخرى قد تظهر
مفيش عيوب " خاصة " او عيوب صانعة معروفة في الموديل ده .

---

بالنسبة للسرعة و التسراع اكيد البيكانتو حتكسب شوية لانها اخف و اصغر من البونتو و لكن كاداء و اتزان علي الطريق البونتو تمتلك قاعدة عجلات و ثبات اكبر من البيكانتو .

**Einstein_EG** · 27-11-2008 03:12 PM

فيه اى اقتراحات ؟

**Einstein_EG** · 29-11-2008 08:46 PM

انا كنت فى مركز خدمة و صيانة فيات من كام ساعة فى ابو رواش ، اتكلمت مع احد المهندسين هناك و كان راجل محترم جداً و بقاله هناك مده طويلة ، الراجل كان فى منتهى الصراحة هوا متكلمش على عربية بالتحديد بس اتكلم على التكنولوجيا علشان يكون محايد تماما ، و لما سألته على موتور البونتو ليه بيطلع 60 حصان بس مع انه 1300 سى سى و دا مش قليل ، و فى عربيات زى .... موتور 1400 سى سى و بتكلع 95 حصان ، المهندس فهمنى ان كون العربيه بيتطلع قوه عاليه بنفس سعة عربية قوتها معقوله دى ميزة و عيب ،الميزة هى القوه العالية الناتجة عن تعقيد شديد فى ادارة المحرك فى السيارة و التغذية طبعاً ، و العيب فى الموضوع دا ان صاحب العربية دى هيضطر يصلحها فى التوكيل و المهندسين فى التوكيل مضطرين برده يستخدموا الكمبيوتر و اجهزة تانية علشان يظبطوا العربية و صيانتها بتبقى مكلفه ، و طبعاً شاور على عربيتى برة (البلونيز) و قالى العربية دى مثلاً 1600 سى سى و بتعمل 75 حصان بس ، مع ان مواتير ال 1600 تعمل فوق المية بكتيييير ، لكن الموتور عندك غير معقد ، و بتصلحها "ع الرصيف" و اى ميكانيكى ممكن يعملها ، هوا الموضوع دا كدة بالظبط و كل العربية ما تكون ابسط كل ما تعيش اكتر .

اللى فى الصورة دى بالرغم من انها صورة طبق الاصل من اللى موجودة فى مصر و اللى فى ايطاليا لكن دى اسمها Zostava 10 مصنوعة فى شركة تانية بترخيص من فيات و عمرها ما نزلت مصر ، ماتقلقش اللى فى مصر فيات ايطالى 100%

**Einstein_EG** · 29-11-2008 10:04 PM

لو على السعر انا ممكن ادفع اكتر لكن الحقيقة انا مش عاوز حاجة اكتر من 1300 سى سى علشان البنزين ;)
لكن تشكر على النصيحة ، انا فعلاً كنت بفكر فى ال Gen 2 لكن لما لقيتها 1600 قلت noooo

**Einstein_EG** · 30-11-2008 12:27 PM

انا بصيت عليها فعلاً و هى اغلى شوية و شكلها مش حلو اوى (اذواق) لكن انا مع ذلك كنت بفكر فيها جدياً لحد مشفت اسعار قطع غيارها طلعتها من الحساب على طول ، لكن تشكر بجد على الاهتمام و الرد . تسلملى يا باشا