الحقوني ياجدعان اشتريت سيراتو هاي لاين خليجي من سمير ريان طلع مافيهاش ايموبيلايزر

**borio1704** · 18-03-2016 11:57 PM

هو حضرتك ازاي عرفت إن مفيهاش إيموبيلايزر؟؟؟

أنا خايف لا تكون حد قاللك حاجة غلط أو ما اتأكدش كويس...

علشان تتأكد من وجود الإيموبيلايزر... لازم تعمل حاجتين:

1- اتأكد من ظهور لمبة الإيموبيلايزر زي ما تفضل زميلنا lancer06 وقاللك على اللمبة في التابلوه

وده شكله في تابلوه السيراتو

2- اعمل نسخة من مفتاح العربية عند أي واحد بتاع مفاتيح... مفتاح عادي خالص...

المفروض إن المفتاح ده هيفتح الباب عادي... بس مش هتعرف تشغل العربية بيه... وما تتخضش لما إنذار العربية يضرب.

وإن شاء الله هتلاقي الإيموبيلايزر شغال. .. ده الفئة الأولى فيها إيموبيلايزر.. حتى من غير ما يكون فيها ريموت.

...

**د.هشام** · 19-03-2016 10:03 AM

الحل الوحيد الفعال زي ما قاللك الإخوة الافاضل انك تشوف أنذار محترم من اللي بيفصل الموتور.

**MR . Gold** · 20-03-2016 01:42 AM

للأسف لعب كبير في اوبشن العربيات الخليجي وفي ناس للاسف مش بتاخد بالها من حاجة زي كدة .. أستمتع ياباشا بعربيتك وربك هو اللي يسترها

**volociximab** · 20-03-2016 08:16 AM

انا مستغرب
مش بسهولة تطلع مفتاح من عند بتاع المفاتيح و العربية تشتغل
لازم المفتاح يتبرمج

**volociximab** · 20-03-2016 08:38 AM

الكلام ده حتى فى الخليجي القديم
يعنى عربيتى صنى 2004 لها 3 مفاتيح مفيش غير مفتاح واحد بيشغلها
و قبلها عربيتى سوزوكى التو 2009 عشان اطلع مفتاح كان لازم يتبرمج و دفعت 100 ريال عالبرمجة و الا مش هتشتغل بالمفتاح
لكن مفتاح عادى من عند بتاع المفاتيح يشغل عربية موديل جديد بدون مشاكل دى جديدة

**megaarts** · 20-03-2016 09:11 AM

بص يا باشا في جهاز فصل طرمبه البنزين انا لسه مركبه عند سبير كارز ب200 جنيه ركبه الاول عشان تحمي العربيه
وبعد كده عيش حياتك مع حمايه المستهلك لان يومهم بسنه وهما هيحلو الموضوع بشكل ودي وممكن يوصلوها ان المعرض يعوضك بانه يرجعلك مبلغ