تامين = 320 3 سنوات
ضريبة = 850 3 سنوات
طفاية حريق = 150
ورق فحص وترخيص = 80
الخطوات
هتروح تشترى ملف ترخيص زيرو من كشك التصوير وبعد كدة تطلع على الخزنة تشترى ورق الفحص والترخيص 3 سنين
وبعد كده تطلع على كشك التامين الاجبارى تدفع التامين (مع اى شركة تامين مش شرط شركة معينة) وتاكد عليه 3 سنين
طبعا هيكون معاك ورق العربية اللى انت استلمته من المعرض وبيكون عبارة عن 3 ورقات لو المعرض اشترى من التوكيل او ورقتين لو المعرض مجرد وسيط وهيخلص ورقها من التوكيل لك مباشرة
1- ورقة من التوكيل برقم الشاسيه والماتور ومثبت به لو العربية نازلة بفاميه
2- ورقة مبايعة من التوكيل ليك او للمعرض
3- فاتورة البيع مثبت بها سعر السيارة وضريبة المبيعات وجميع المعلومات عنها
والاوراق دى هتفضل تتعامل بيها لحد ما تستلم الرخصة انشاء الله
المهم هتقدم الاوراق دى فى كشك التامين هياخد البيانات وهيجعها لك تانى مع وثيقة التامين
هتروح تشترى الطفاية بالورق برده بس مش هتستلمها غير لما تستلم الرخصة
بعد كدة تطلع على ميدان الفحص تاخد البصمة الاول وبعد كدة تدخل على فحص المهندس
تملئ البيانات فى الورق وتطلع على شباك التجديد والترخيص تقدم الورق كله وبعد كدة تاخد ورقة تروح بيها على شباك استلام اللوحات المعدنية ياشر عليها وترجع بيها تانى لشباك التجديد وبعد كده تدفع الضريبة فى الخزنة وتسلم الوصل فى الشباك
وفى النهاية بعد ما تحس انك خلاص هنجت تصبر بقى لحد ما الرخصة تطلع وبعد ماتخدها تروح تستلم النمر والطفاية وتخرج من المرور وتقول مش هشوف وشكوا غير بعد 3 سنين ياولاد الناس الطييبين
المفضلات