الموضوع: محتار بين بروتون بيرسونا و نيسان تيدا ؟ ايه رأيكم ..دى أول مرة أسوق

من رأيي انها مش ظالمة لأي من الطرفين
البروتون هتلاقي فيها كماليات كتير بسعر قليل
بس هتلاقي الخامات في البروتون مش كويسة وتقفيل مش كويس، الموتور صوته عالي، استهلاكه للبنزين مش وحش
الفرامل مختلفة شوية عن بقيت العربيات وبقول مختلفة مش فيها عيب :)
العفشة سبور وناشفة شويتين

في المقابل هتلاقي النيسان ناعمة وهادية بس مافيهاش الكماليات كلها وسعرها اغلى - لنفس الحالة-
وفي الاخر المبلغ اللي معاك هو اللي بيحكم، ونظرك في عيوب ومميزات كل واحدة وايه تقدر تستحمله وايه لا

انا بالنسبالي اول عربية ليا هي الجين 2 انما كنت بسوق قبل كده متقطع فمش شايف الحتة دي هتبقى فارقة في الاختيار بالنسبالك

وبالتوفيق ان شاء الله