الموضوع: استفسار ياشباب لو سمحتوا بخصوص سوزوكي فان

إزيكم يا شباب
لو سمحتوا أنا ناوي أجيب سوزوكي فان 2016 زيرو
أنا و واحد صاحبي يعني هو النص وانا النص
هنشغلها طلبات خاصة وأنا اللي هسوقها
كنت عايز اعرف كام حاجة عنها لان دي هتبقي اول سيارة ليا
ومخبيش عليكم أنا هلم اللي ورايا واللي قدامي علشان أشاركة
لاني للاسف مش لاقي شغل زي ملايين الشباب
وبرضه مش عايز ادفع فلوس في حاجة تتعبني

المهم مش هطول عليكم كنت عايز اعرف

1 - مميزاتها وعيبوها ؟
2 - سعرها حاليا كاش كام ؟
3 - هل لما نحب نبيعها فيما بعد سعرها هينزل جامد ؟
4 - بالنسبة لحساباتها الشهرية هيبقي إيه نظامها
يعني أنا أجرتي هتتحسب أزاي وكدة .

وشكرا ليكم

المشروع ده كويس جداً بس يا ريت بقدر الامكان متركبش حد غريب علشان يشغلها والا كل يوم هتلاقى نفسك عند الميكانيكى لأن السواق لو مكنش صاحبها مبيرحمهاش .... ونصيحة أول ما تجيبها غير الريداتير الفابريكة بواحد نحاس 3 ماسورة لأن الموتور بيسخن جداً ويصل المؤشر للنص ... مشكور