السلام عليكم.. بعد اذنكم عاوز اخد رئيكم اجيب هوندا سيتي 2016 والا بولو سيدان 2016 مع العلم اني اقصي حاجة اقدر ادفعها 170 هل ممكن لو ماجبتش زيرو تنصحوني ممكن اجيب بيهم حاجة مستعمله احسن؟
عرض للطباعة
السلام عليكم.. بعد اذنكم عاوز اخد رئيكم اجيب هوندا سيتي 2016 والا بولو سيدان 2016 مع العلم اني اقصي حاجة اقدر ادفعها 170 هل ممكن لو ماجبتش زيرو تنصحوني ممكن اجيب بيهم حاجة مستعمله احسن؟
عليكم السلام، حضرتك ممكن تجيب كورولا حاله حلوه جدا، عدادا قليل، بشرط تكشف في التوكيل
لو عاوز الماني ممكن تفكر في الباسات
لو عاوز زيرو ممكن تشوف توليدو، الناس بتشكر فيها جدا وهي تشيكي
بالتوفيق
الهوندا سيتي طبعا ممتازه والفتيس بتاعها الاوتو كويس لكن البولو هاتركب مانيوال او فتيس دي اس جي اللي هايبقى متعب بعد فتره
سيبك من البولو لانها غير منتشره بالمره و اعاده بيعها هتبقي صعبه جدا
السيتي عربيه محترمه جدا بس للاسف سعرها مبالغ فيه بالنسبه للفئه دي
لو حابب تركب تكنولوجيا الماني ممكن تشوف الرابيد او التوليدو
لو حابب تركب ياباني شوف الياريس
المشكلة اني لما بسأل ناس بيقولولي ان شركة فولكس مش هتحط اللوجو بتاعها علي اي عربيه وانها بتنافس بالعربيه دي
ايوة طبعا محدش يقدر ينكر ان فولكس شركه محترمه ومش بتصنع اي عربيات وخلاص والفتيس ال dsg في حد ذاته فكرته عبقريه
لكن المشكله انه مش مناسب للاجواء الحارة والسواقه في الزحمه غير ان هنا في مصر صيانته مكلفه جدا ده غير ان الواحد مش بيشتري عربيه عشان تبهدله
وتقدر تقارن بنفسك وتشوف الانخفاض الشديد في بيع موديلات فولكس الجديده في مصر مقارنتا باخر سبع سنين فاتو
حضرتك فعلا فى حيره
وهكمل عليك
لو بتختار مابين زيرو او مستعمل, انا افضل زيرو
نيجى للشريحه السعريه دى, قدامك:
بولو سيدان
هوندا سيتى
سيات توليدو
سكودا رابيد (هى هى سيات توليدو)
نيسان سينترا
ميتسوبيشى شارك
تويوتا ياريس
انا مش ذاكر العربيات الكورى والفرنساوى عشان بفترض حضرتك عايز تركب المانى او يبانى ومش عايز تركبهم تانى ..صح؟؟؟؟
حضرتك اشمعنا بتقارن مابين العربيتيين دول؟