الموضوع: بى ام 320 ياريت تساعدونى لو سمحتوا

مش عارف إذا كان اللي نصحك ده بيشتغل في عربيات BMW ولا لأ.. بس النصيحة دي للأسف مش مظبوطة.. خصوصا مع BMW اللي كلها حساسات ومعمولة بدقة عالية تخليها حساسة لأي حركة زي دي.

الأول.. اتأكد إنك بتحط زيت مناسب للموتور.. وبعدين نبقى نشوف إيه المشكلة..



نصيحة لكل مالكي عربيات BMW... إوعى تحط زيت مخالف لطلبات كتالوج عربيتك...

وكل سيارات BMW (اعتبارا من سنة 1998) لازم يكون الزيت المستخدم مطابق لمواصفات BMW للزيوت... وإلا الموتور هيبدأ يتآكل بسرعة.



مواصفات BMW لزيوت الموتور كالتالي:

مواصفة BMW Longlife-98 أو BMW LL-98
ودي لعربيات BMW القديمة اللي اتعملت قبل 2002.


مواصفة BMW Longlife-01 أو BMW LL-01
ودي لعربيات BMW اللي اتعملت بعد 2002... وتمشي بردو مع العربيات القديمة.


مواصفة BMW Longlife-01 FE أو BMW LL-01 FE
ودي لعربيات BMW اللي اتعملت بعد 2002... وميزتها إن الزيوت اللي بالمواصفة دي بتبقى تخليقية بالكامل وموفرة للوقود.
تمشي مع كل مواتير BMW ما عدا مواتير معينة (المواتير موديلات N1x, N2x, N54, N55, N63, N74)


مواصفة BMW Longlife-04 أو BMW LL-04
دي مواصفة مخصوصة لمحركات الديزل.. وتمشي مع مواتير BMW الديزل اللي طالبة المواصفات اللي قبل كده (BMW LL-98 و BMW LL-01).
الزيوت بالمواصفة دي موجودة بلزوجات 0W-30 و 0W-40 و 5W-30 و 5W-40 فقط


مواصفة BMW Longlife-12 أو BMW LL-12
دي مواصفة مخصوصة للاستخدام مع مواتير معينة (Nx7K1, Nx7U1, Nx7O1)


مواصفة BMW Longlife-14 أو BMW LL-14
دي مواصفة مخصوصة للاستخدام مع مواتير معينة (N20, Bx8)


لو عربيتك طالبة مواصفة BMW LL-01 مثلا يبقى ما ينفعش تحط فيها زيت بمواصفة BMW LL-98.. إنما ممكن تحط زيت بمواصفة BMW LL-04




بالنسبة لحضرتك .. اتأكد إن الزيت اللي بتحطه مكتوب عليه مواصفة BMW Longlife-01... ولو ما لقيتش اسم مواصفة BMW للزيوت على علبة الزيت.. ما تشتريهوش.

ولو الموتور بينقص زيت وبيطلع دخان أبيض يبقى ساعتها موتورك عايز تغيير طقم شنبر... والأفضل يتعمل بدل افتكاسات زيت الشنبر والكلام الفاضي ده.


لمعلومات أكتر.. تقدر تدخل على الموضوع ده:

http://www.nilemotors.net/Nile/341680-a.html


...

الشكمان لو اتسد بيأثر على الموتور طبعا..

الموتور بيتنفس زينا... بس بيسحب نفس عن طريق فلتر الهوا.. ويطلعه من الشكمان...

فلو واحد من الاتنين كان مسدود أو مش سالك كويس.. يبقى الموتور مش هيتحرك كويس .. وده هيأثر على الدوارة والسحب.


خلي بالك... بعض أنواع الزيوت بتتسبب في سدد علبة البيئة في الشكمان... علشان كده بنقول إن الزيت لازم يتحط زي الكتالوج.. مش زي ما حد بيفتي... خصوصا في العربيات الحديثة.


...