تجربه تحسين الاضاءه و مشكله ترشيح زيت حولين كارتيره الفتيس و مشكله فرامل كورولا 2004
يا جماعه انا اتفاجات انهارده بترشيح زيت حولين كارتيره الزيت و رحت اشتريت الزيت و اشتريت الفلتر كمان بس مش لاقي جوان الفتيس خالص ناس كتير بتقول مش هتلاقيه و احسن حاجه تخلي حد يعمله فيبر تفصيل لما حاولت اقيس الزيت لقيته ناقص حاجه بسيطه بس الزيت متغير من حوالي 12000 كم و طالع ع المقاس زي الزفت مع انه زيت تويوتا الموصي بيه ف الكتالوج ايه راي حضراتكم ف الكلام ده
بالنسبه لزيت الماتور جيت اقيسه لقيته ناقص يجي النص رحت منزل الزيت القديم و شاري زيت موبيل ب70 جنيه هامشي عليه يومين او تلاته و انزله هو كمان من باب غسيل الماتور بس بفكر احط فلش ع الزيت ده قبل ما انزله ايه رايكم ف الموضوع دا مع العلم مفيش حد قرب من المكنه و لا مسمار اتحل منها و لا عمرها اكلت مني زيت و دي اول مره تحصل و رغم ان الزيت موبيل 1 ما كملش معايا 8000 كم و نازل اسوووود ووسخ جداااااا
نور العربيه طبعا انا اشتريت فوانيس جديده و ركبت انهارده كتاوت و لمبات فرنساوي 100 وات مع الكتاوت بس حاسس ان النور بقي كثيف اوي لدرجه ان اللي قدامي بيصعب عليا رحت مركب طقم زينون ف الفوجات و موطي الفوج خاااالص بعيد عن عين المقابل خالص و ظبطت رجلاش النور بس حاسس انه عاوز يترفع النور ف الفانوس شويه و للاسف رغم ان الفانوس جديد الا ان الرجلاش بتاعه بايظ و رفع شويه و بعدين مش راضي رفع اكتر من كده خالص ايه رايكم اعلي اللاضائه لفوق شويه ازاى انا حاولت كتير اعدل وضع اللمبه ف الفانوس بس للاسف الرجلاش وحش جدا و تقريبا فوت و بقي بالسلامه يعني مع العلم اني لما بحب اقلب للمقابل بشغل الواطي بس بيروح طافي علي طول بس انا حاسس ان من كتر النور وكثافته انا مش شايف انا بس عاوز اظبطه ع الخط مش اكتر
ان شاء الله يوم الاتنين هاروح للميكانيكي و هخليه يغير كافه الزيوت و الفلاتر حتي زيت الباور هاغيره بس عندي مشكله عويصه ف الفرامل مفيش فرامل خالص بالرغم من اني مغير التيل و سحبت الهوا كذا مره من الفرامل لحد ما تجيب زيت و رحت للعفشجي سحب الهوا برضو و برضو مفيش فرامل الدواسه فيها صوت تنفيخ و بتمشي للاخر من غير ما تمسك فرامل العفشجي قال لي احتمال المشكله تكون في الماستر بتاع الفرامل ايه رايكم و يا تري حد عنده فكره عن سعر الماستر ده و وظيفته
استقريت ان شاء الله اني هاغير طقم الجنط و اجيب طقم 15 محترم تنصحوني بنوعيه ايه او ازاى اختار الجنط مع العلم اني هاخد العفشجي معايا عشان يبقي الجنط تمام مع العفشه
افيدوني يا احلا اخوات مستني ارائكم :10D5C8w1107::10D5C8w1107:
