سؤال بخصوص سحب رخصة السيارة المنتهيه
السلام عليكم
انا احمد عندي عربية تيجو 2000 سي سي الرخصة بتاعتها انتهت في شهر 6 في سنه 2015
الي حصل اني دفعت التأمين والضرائب في خدمة فوري وانتظرت خدمه التوصيل حتي باب المنزل والرخصة اتاخرت لمدة 4 شهور ولما بدأت اسال وادور لقيت في مخالفة بـ 500 جنيه طنشت وقولت كده كده محدش بيوقفني
وكان النصيب ان في لجنه وقفتني وشافت الرخص وسحبتها
فنصحني ظابط بسرعه عمل محضر فقد رخصة ثم الذهاب الي المرور وادفع المخالفة واطلع بدل فاقد وبالفعل عملت كده وانا في المرور كتبت اقرار بان الرخصة لم تسحب في اي جهه و بعد اكتر من 3 شهور قولت أشوف المخالفات اونلاين لقيت ان الموقع بيقولي ضرورة التوجهه إلي النيابة.
فانا كده موقفي اي
هل هيبقي في ضددي قضية تزوير؟
هل هيبقي في غرامة ؟
اعمل اي او معملش اي
حد ينجدني