بيجو 301 اختار جنوط ولا الكاسيت الكبير

السلام عليكم

أنا بفكر جديا في البيجو 301 هاي لاين .. بس لقيت اختيار مابين جنوط 16 مع كاسيت عادي لا يدعم بلوتوث .. أو جنوط 15 مع الكاسيت الكبير وشاشة المعلومات .. رأيكم ايه

سوال تاني لو هستلم فوري باوفر برايس .. ايه السعر المنطقي
مع العلم اني سألت عند موزع معتمد وقالي 148 باوفر برايس .. وقالي لو هتحجز ب 140 هاتستنى 3 شهور وممكن تغلى عليك برضه .. انصحوني مع العلم اني ماليش طولة بال للانتظار لاني متردد وهافكر في موديلات غيرها ومش هاريح دماغي

منتظر رأي حضراتكم .. شكرا

البلوتوث مهم جدا والجنط الكبير يفرق فى السرعات العاليه

الجنط ممكن يتغير. الكاسيت مش هتعرف تجيبه. اسال عليه في التوكيل لو ارخص من تمن تغيير الجنوط و الكاوتش.

لا طبعا خليك في الجنط 15 والكاسيت الكبير ولو مش هاتفرق معاك الفلوس يبقي ادفع اوفر برايس واتوكل علي الله

شكرا يا شباب على النصيحة .. الله المستعان

بالتوفيق ومبروك مقدما

خليك طبعا فى الجنط ال 15 لأن ال16 معايا و مع كذا حد عمل بلونة لما بتلبس حفرة فى الأرض