الموضوع: قصة انسان فاشل

بصراحه مش عارف اقولك ايه. بس حاول تشتغل على نفسك اكتر وتسعى فى السفر وبالتوفيق

مبدئيا موضوع التعليم ملهوش علاقه بالرزق
وحلك تشوفلك سفريه للخليج - صحيح الحاله مريحه شويه بس حتلاقى ان شاء الله فرص وبراتب افضل من مرتب بكتير

بلاش تبص لغيرك علشان ما تتعبش...

انت بتقول ان زميلك ده ابوه مقتدر وبالتالي اللي هو فيه ده مش هو اللي عامله بنفسه..

زميلك عنده 28 سنه وبالتالي اعتقد انك من سنه. لما تبقي عندك 28 سنه ومتجوز وفاتح بيت ده في حد ذاته شيء كويس وفيه غيرك اكبر منك بكتير مش عارفين حتي يجيبوا شقه...

مشكلتك ان سقف طموحك عالي جدا وعايز تنط 10 درجات في خطوه واحده من موظف مرتبه ضعيف لصاحب مؤسسه مش تحلم بوظيفه بمرتب عالي تحوش منه وتفتح مكتب صغير تكبره علشان يبقي شركه تكبرها علشان تبقي مؤسسه. لأ انت عايزها مؤسسه مره واحده ...

واضح ان في حاجه مش مفهومه في الموضوع او تفاصيل ناقصه ده غير ان حضرتك مقولتش تخصصك ايه لان مهندس شغال بقاله 9 سنين مرتبه 2200 جنيه ده مش طبيعي اومال لما بدأت بعد التخرج كان مرتبك كام؟

انت محتاج تشتغل علي نفسك اكتر وترفع من مهاراتك بالشكل اللي يخليك مطلوب اكتر في سوق العمل (كورسات او دبلومات) او حتي اسعي للعمل في الخارج لو شايف ان المشكله في البلد.. يا راجل ده الفواعلي بيسافر يشقي ويتعب ويرجع بعد سنين صاحب املاك يبقي المهندس صعب عليه ده؟؟

كلامي ممكن يزعلك لكن انا بقوله علشان حاسس انك رايح في سكه اخرها مش كويس..

اسعي - اقنع - ارضي بما كتبه الله لك وبإذن الله تحقق احلامك...

كلنا فى نفس السن دا عندنا نفس الاحساس
ان كل يوم اقول لزمايلى فى الشغل "وبعدين احنا رايحين فين معملناش حاجه والمرتب يدوب"
لغاية الموضوع قلب بفوكاهه وبنضحك عليه
انا كتير بحس انى اوفر كواليفايد بس فى ظروف محيطه بتحجمك ...انا زيك عندى طموح كبير بس الكام سنه اللى فاتت فرقوا كتيير بالسلب
المهم ...مادام انت كويس وولادك ومستور -حتى لو مبتحووش- يبقى كويس وفى نفس الوقت ندور على حاجه تانيه بره او جوه

فى مقوله شهيره بحبها : مش كل الرزق فلوس
ربنا يديك ويدينا احنا الجيل الفقران ده

لا تحزن يا عزيزي
انت لست بفاشل
اؤكد لك ان المجتمع الذي نعيش فيه هو الفاشل
انت لم تقصر ، تعبت واجتهدت ، وبذلت كل ما تستطيع
فقط لو كانت هناك عدالة ....................