الموضوع: من جدة الي مكة افيدوني

الوسيلة الوحيدة المكروباص
ممكن تركب مكروباص بيحمل بالنفر او تاخد عربية على بعضيها

انت تخرج من باب المطار تلاقى طابور طويل لعربيات اجرة
فيه بتحمل بالنفر و فيه لا
العربية هتاخدك لغاية الحرم
هتنزل من العربية و تمشى للخلف بعييد عن الحرم و تدخل شوارع عشان تلاقى فندق معقول
تاخد غرفتك و تظبط نفسك و تنزل تعمل عمرة
البقالة اما فى بداية الشارع قبل الكوبرى(كوبرى المسفلة) او بن داود عند الحرم
مدخل بن داود من داخل البرج
يوجد داخل البرج ايضا الطازج و محل للبيتزا هتحتاجهم (البرج الى فيه بن داود)
لو هتغير فلوس اوعى تغير من البرج-سعر الصرف مجحف جدا

العربية كاملة بحوالى 200
النفر بحوالى 50 تعلى او تنزل شوية

قبل كوبرى المسفلة محلات تغيير عملة بسعر الصرف الحقيقي لكن محلات الصرافة الملاصقة للحرم غالية

لو انت لسه فى مصر غير فى مصر شوية

فى الغالب من يحمل بالنفر يكون ميكروباص
هيونداى اتش وان او عربية كبيرة

بص يا ريس
انت بعد ما توصل بالسلامة لمطار جدة هتخرج برة هتلاقى عربيات كتيير اوى بتحمل بالنفر لمكة استنضفلك عربية كدة gmc - h1 ومتقلقش العربيات هناك كتير ونضيفة جدا ومكيفة وطبعا اسرع من الاوتوبيس بكتير والفرد تقريبا ب 15 ريال ( انا كنت هناك من شهر ) وخد بالك هتسمع اسعار كتير ولازم تفاصل ( هما كده هناك ) يعنى لو وصلت لل 20 ريال يبقى تمام .
ولما توصل مكة بالسلامة لو لسه هتحجز فندق خد بالك هيغلو عليك جامد لانك مش تبع مجموعة وطبعا هتبقى مضطر فحاول تفاصل على قد ما تقدر وطبعا كل ما بعدت عن الحرم كان الفلوس اقل وكدة .
بالنسبة لموضوع تغيير الجنيه المصري بالريال من عندك احسن لك تغيير من هنا لان من هناك اغلى بكتير .
وخد بالك الاكل هناك غالى شويتين بالنسبة لفرق العملة طبعا فلو هتعرف تظبط نفسك فى معلبات وكده تبقى تمام .
واى سؤال معاك .