السلام عليكم
رايكم فى شركة المنارة فى التجمع الخامس
https://www.facebook.com/almanaraeg
Homear: المنارة للتنمية العقارية
حد اتعامل او سمع عنها ؟
عرض للطباعة
السلام عليكم
رايكم فى شركة المنارة فى التجمع الخامس
https://www.facebook.com/almanaraeg
Homear: المنارة للتنمية العقارية
حد اتعامل او سمع عنها ؟
انا اشتريت منهم
شركه محترمه مش نصابين يعنى
بص الملاحظات ان الجراج كان سىء جدا غير قابل للاستخدام أصلا عشان أخطاء هندسية..والنص تشطيب تجارى كده نص لبه حاول تشتريها ع الطوب الأحمر وينزلولك ف السعر لو 20 الف هتباه الكسبان
طب واسعارهم ايه ؟ للشقق والفيلات لانى مش لاقى اسعار ؟
متابع, ويا ريت اللى يعرف شركات اخرى فى التجمع يكون اتعامل معاهم يقولنا
لان النصب على ودنوا
الرواد محترمين جدا
االي اعرفه عنهم بحكم شغلي معاهم في تشطيبات الاسقف
ماشفتش عندهم اي مشاكل في التسليم والمواعيد
لكنهم كل الشركه اخوان
معرفش الاسعار والله ياباشا انا شاري من زمان اوي
بس هم ف العموم اسعارهم عاديه يعني مثلا كنا بندور ف اللوتس الجنوبيه السنه اللي فاتت ومتوسط الاسعار كان 5500 هم كانوا بيبيعوا برضه ب 5500
الاسعار ليها عوامل كتير زي وجهه الشقه وموقع العمارة وموقع المدينه ومبنيه ولا لا.. لازم تنزل تتفرج بنفسك
في حالتي انا اشتريت من قبل ما اي طوبه تتحط فمكنش في معاينه وللاسف لو فلوسك مش كاش هتضطر تشتري عمياني
انصح بيها كشركه لو لقيت الشقه اللي تعجبك.. وعموما انا ملاحظ ان مستواهم اتحسن مؤخرا وتفادوا عيوب كتير من اللي حصلت عندي
احسن شركه ف اللي انا شفتهم اسمها الرواد "اللي بلوجو اخضر لان في رواد تانيه بلوجو ازرق متعاملتش معاهم الصراحه" وتشطيبهم احسن كتير
اسمع برضه ان "ازميل" حلوه لكن اغلي شويه
وفي "مطاوع جروب" مستواهم عالي جدا بس اسعارهم نار
من الاخر المستويات متقاربه انا يهمني بس متكونش الشركه نصابه وكل الاسامي اللي قلتها شركات محترمه بتفضل مشاكلهم مقدور عليها طالما بعيد عن النصب
ممكن تبعد عن الشركات النصب و تشوف حد اهالي هيبني و يسكن فيها دة كدة يبقى 100% حلو.اي مساعدة كلمني 01203339887 م/أحمد
وفي كمان اركان
اتعاملت معاهم في شغل . ناس محترمة . وشغلهم شكله حلو
أركان
جزاكم الله خيرا يا شباب
يبقى السؤال الاهم والاخير
فين فى التجمع
البنفسج ولا النرجس واللوتس
بالنسبة لى عايز شقة استلام 6 شهور بحد اقصى يعنى خلال سنة بالكتير هكون مشطبها وقعدت فيها
يبقى فين الموقع المناسب والسعر مش هيكون مشكلة كبيرة
المهم الموقع
هل الاقرب للجامعة الامريكية ولا الاقرب للتسعين ولا فين
اللوتس الشمالى ولا الجنوبى
ياريت الناس تفهمنى الفروقات وايهم اكثر سكنا ورقى
وفى الشركة دى كمان
https://www.facebook.com/safwarealestate/timeline
هو في حاجات في التجمع ممكن اقسط معاها بدفعات سنوية على 5 او 6 سنين ؟
اللى اعرفه الاقساط على سنتين
لو 5 ده ممكن يكون استلام بعيد قووى
صح كلامك الشركات كتير
لازم تنزل
اللى اعرفه ان اللوتس تعتبر من المناطق الراقية هناك
والشركات زى الصفورة والمنارة والرواد الناس بتشكر فيهم
بس انا عرفت ان الجراج بيوصل 40 الف والصيانة 15 الف بالاضافة لسعر الشقة
هل ده طبيعى ولا ايه ؟
هل الاحسن الواحد يتشرى من اهالى ولا من شركة
لو هتشتري شقه ومش مستعجل انك تسكن حالا فاللوتس هيا الاختيار الامثل في رايي.. منطقه راقيه وخدماتها مكتمله ومساحات خضرا كبيره وماسكه التسعين الشمالي والحنوبي والاعلي عن الارض
....
انا شخصيا بفضل اشتري من شركات عشان ليهم اسم يخافوا عليه فبباه متطمن اكتر وعشان بيكون في امكانيه التقسيط والتسهيلات
...
فلوس الجراج كتير بس فعلا راحه كبيره.. ضامن مكانك بدون مشاكل والعربيه متصانه عن المؤذيين والشمس والحراميه
....
وديعه الصيانه دي ميزه ممتازه صدقني لو معملوش كده السكان هياكلوا بعض والناس مبتدفعش والمحترمين بس اللي هيدفعوا وهتعانوا بشده في صيانه العماره وحايز تضطر تعمل صرف منفصل ومياه منفصله لنفسك عشان تبعد عن وجع القلب
الفلوس مش مشكلة دي كلمة مطاطة متخليناش نعرف نقول لك ايه المناسب
لو الفلوس فعلا مش مشكلة دور في جنوب الاكاديمية ا و ب, الياسمين 7 و 8, النرجس فيلات 6 و 7 أو الاحياء. دي ارقى مناطق في التجمع و عمرانة أكتر من غيرها. طبعا اسعارها عالية عشان كدة الافضل تفهمنا انت بتدور في حدود كام و كاش و لا قسط.
لو مقدم 200 و قسط ممكن الاقى؟
بس استلام
انا مش متخيل المكان فين بالظبط لاني معرفش في التجمع غير الشوارع الرئيسية ما حوالين التسعين و حتى معنديش فكرة اساميهم ايه, بس واضح انها حتة في الغويط في اخر التجمع..
انا لسة مكلم حد النهاردة من شركة أزميل و قالي على شقة في اللوتس 120م2 صافي 95م2 ب700 الف على 5 سنين..
على العموم, لو الاسعار في التجمع كلها كده بفترات سداد قصيرة فاعتقد اني هأجل تفكيري في الشقة سنة مثلاً كمان او ممكن اشوف مكان تاني غير التجمع بس مش عارف فين الصراحة مكان تاني يكون كويس و قريب من نفس المستوى..
معمار المرشدى كانو بيقولوا على مشروع عند مسجد المشير واستلام 2019 تقريبا
ومقدم 100 الف والباقى 5 سنين
كله على المشترى ياباشا..انا مش هدفع 40 الف ف جراج ويوم ما ابيع مجبش حق الجراج..كل الفكره ان الاهالى هتقولك انا عاوز ف الشقه مليون..والشركة هتقولك 950+50 جراج
للأسف معرفش ارفع صور هنا بس دور على جووجل هتلاقى صور كتير
متوسط الأسعار زى اللى انت سمعته فعلا..لو مش مناسبة ليك اللوتس اسال في الاندلس بس قدامها بتاع 4-5 سنين على ما تباه جاهزه للسكن..انما نفس المستوى وارخص شويه وفى تسهيلات احسن في السداد
انا اسمع ان المشروع ده كويس بس عاوز وقت برضه