الموضوع: مجموعة سير موتور فيرنا

السلام عليكم ازيكم يا شباب
دايما بحب اشارك تجربتي معاكم واي صيانة جديدة بعملها ف التوكيل برغم انهم ولاد التيت غاليين

النهارده بعمل صيانة الـ 40 كم ولقيت المهندس فاجئني اني لازم اغير مجموعة سير الماكينة كلها

انا حاليا ماشي 44 كم ..

المهم قالي كم ؟ 1550 ج ده طقم كامل

طبعا قلت ااجله لحد ما اسرش ع النت وافهم الموضوع .. وفعلا سرشت ولقيت ان المجموعة تقريبا 4 سيور
سير الكاتينة وكام سير تاني

بس الغريبة ان لقيت اسعار السيور عموما 120 150 وارقام زي كدا
وف نفس الوقت الكل مجمع ان لازم موضوع السيور اغيره ف التوكيل .. فحبيت اخد رايكم وافهم بالظبط الموضوع ماشي ازاى

انا بشتريهم من غبور بس بركبهم برا
مجموعة الادارة (سير باور + سير تكييف + سير دينامو ) بيعملوا كلهم في غبور من 250-300 جنيه

فيه مجموعة الكاتينه
(كاتينه + بلية ثابته + بلية متحركة ) دول تقريبا في حدود 600-700 جنيه

الاسعار ديه اسعار غبور
طبعا الصيني برا بربع التمن ... بس انت ونصيبك واخره 20 الف كم لو قعدهم !!


لو ركبتهم برا مصنعيه التركيب في حدود 120-150 جنيه



بغيرهم كل 50 الى 55 الف كم
لو مشاويرك قليلة يبقى كل 4 سنين بحد اقصى متزيدش عن كده