نتشة فتيس اوتوماتيك النترا 2013

**A_Dos** · 22-03-2016 12:54 PM

السلام عليكم ورحمة الله وبركاته
عندي النترا 2013 فيها مشكلة. والعربية بتهدي او وانا بدوس فرامل بحس بنتشة خفيفة بين الغيار الخامس للرابع ونتشة قوية بين الغيار الرابع للثالث مع العلم ان النتشة مش طول الوقت ودايما بتظهر والعربية سخنة فقط
أرجوا الأفادة

بيانات العربية
النترا 2013 اوتوماتيك هاي لاين ماشي 64 الف

**baherhassan30** · 23-03-2016 07:44 AM

بعد لف ودوران وخناقات في توكيل السعودية
النتشة دي عاااااااااااااااااااااااا ااااااااااادية جدااااااااااااااااااااااا ااااااااا
كل اللي بيعملوه بيعملوا ريسيت لكمبيوتر الفتيس فقققققققققط
وللمعلومية المشكلة دي بتظهر بعد ال 20 ألف
مهندس توكيل غبور
قال متشغلوش بالكم بالنتشة دي لانها مش هتروح وطبيعي في الفتيس .. !!!!

**A_Dos** · 23-03-2016 09:42 AM

المشاركة الأصلية كتبت بواسطة baherhassan30

بعد لف ودوران وخناقات في توكيل السعودية
النتشة دي عاااااااااااااااااااااااا ااااااااااادية جدااااااااااااااااااااااا ااااااااا
كل اللي بيعملوه بيعملوا ريسيت لكمبيوتر الفتيس فقققققققققط
وللمعلومية المشكلة دي بتظهر بعد ال 20 ألف
مهندس توكيل غبور
قال متشغلوش بالكم بالنتشة دي لانها مش هتروح وطبيعي في الفتيس .. !!!!

شكراً يا باشا انا فعلا روحت الورش برة وقالولي ان دي نتشة عادية.

هي ظهرت معايا بعد ال 50 والتوكيل لف ودوران فعلا زي ما حضرتك قولت بس انا خايف يكون فى مشاكل قدام والغريب ان فى ناس عدت ال 100 الف وماشاء الله تبارك الله مفيش مشاكل نهائياً فى الفتيس

بس سببها اية لان كل مهندس فى التوكيل برأي حتى فى الورش كل واحد بيفتي
واكيد مليون فى المية ليها حل وربنا يكرمنا ونوصله لان فعلا النتشة مزعجة جدااااااااااا لدرجة اني خلاص بفكر ابيعها واخلص منها :( :(

**svneleven** · 24-03-2016 04:53 AM

لو حضراتكو لسه في الضمان خلي التوكيل يسجل شكواك في التقرير بتاع الصيانة عشان لو حصل حاجة قدام تعرف تاخد حقك.

**A_Dos** · 03-04-2016 03:05 PM

المشاركة الأصلية كتبت بواسطة svneleven

لو حضراتكو لسه في الضمان خلي التوكيل يسجل شكواك في التقرير بتاع الصيانة عشان لو حصل حاجة قدام تعرف تاخد حقك.

التوكيل لف ودوران ومش عاوز يشوف المشكلة وتم فتح شكوى فى وزارة التجارة والصناعة

**تامر راغب** · 04-04-2016 04:52 PM

والله حاجة تجن
التوكيل مش عارف يحلها ؟؟
أمال نروح لمين ؟؟؟

**baherhassan30** · 05-04-2016 11:18 AM

انا بعت ايميل للشركة الام في كوريا بسبب الموضوع ده
ربنا يسهل ويردوا عليا

**A_Dos** · 18-05-2016 01:17 PM

السلام عليكم ورحمة الله وبركاته
ازيك يا رجااااااااااااالة

بعد مداولات وشكاوى كتير روحت التوكيل علشان يفحص العربية ويقيم المشكلة
الفني (فلبيني الجنسية) ركب معايا العربية وطلع جرب وظهر المشكلة اول ما رجعنا الورشة حطها على الكمبيوتر وشغل برنامج اسمه gds (كان في جهاز وسيط بين اللاب توب والعربية) وعمل ريسيت للفتيس (هو بيقولي عمل ابجريد ) وطلعنا نجرب العربية وكأن شئ لم يكن :d
والحمد لله المشكلة اتحلت ومشيت عليها حوالى 800 كيلو لحد دلوقتي والعربية عزمها شد جدا لدرجة اني سافرت عليها 180 كان التجميع سلسل وسريع

اتمنى ان اللى حصل عنده المشكلة دي يشوف السوفت بتاع الفتيس لان المشكلة فى الغالب كدة عند الكل من السوفت وياريت المهندسين يفيدونا فى موضوع السوفت دا