الثرموستات مالوش دعوة...
وبالعكس.. الثرموستات كويس وشغال وفاتح معاك تمام.. لإن المروحة شغالة.. والمروحة مش هتشتغل إلا لما المية السخنة تروح للرادياتير.
أوعى تفكر تشيل الثرموستات
الأول خلينا نبدأ بالحاجات السهلة وبعدين نشوف الأصعب..
1- اتأكد إن الرادياتير نظيف من بره هو وسربنتينة التكييف.. ممكن جدا يكونوا مليانين تراب أو فيهم أماكن مسدودة بورق شجر مثلا.
2- اتأكد إن دورة التبريد شغالة صح.. وإن المية بتزيد في القربة لما العربية تسخن وتقل لما تبرد.
3- اتأكد إن معندكش تسريب في دايرة التبريد.. لو خراطيم المية ما كانتش اتغيرت قبل كده.. غيرها.. لإن عمر الكاوتش ما بيزيدش عن 5 سنين... واتأكد كمان من غطا الرادياتير.
4- أعمل دورة نظافة لدايرة التبريد بالكامل.. ويستحسن تنظف الرادياتير عند واحد بتاع رادياتيرات محترم.. وحط مية زرقا (أو خضرا) من بتاعت الرادياتيرات الألومنيوم.
اعمل الحاجات دي ونشوف... لو المشكلة اتحلت يبقى عربيتك تمام إن شاء الله..
ما اتحلتش.. نشوف الحاجات الكبيرة بعد كده.
وبص على الموضوع ده بالمرة.
http://www.nilemotors.net/Nile/328708-a.html
...
المفضلات