سيراميك السيارات

**مها محمد** · 23-03-2016 04:18 PM

ارجوكم حد يفيدنى عن سيراميك السيارات. هى مادة تدهن بها السيارة و عندما تجف تكون صلبة و المفروض انها تحمى السيارة من الخدوش و الحكات و البارومة. كمان بيقولوا بعد و ضع هذه المادة تغسل السيارة بالماء فقط بدون صابون حتى لا بضر بهذه الطبقة. هل حد عمل الموضوع ده قبل كده و بماذا تنصحونى. اعمله علشان احمى السياره و الا يكون مضر زى البلاستيك؟ ارجو الافادة

**rotanamasoud** · 24-03-2016 05:35 PM

يمكن تقصدى واكس (تشميع السيارات)وليس سيراميك
التشميع بيتعمل كده وبيعمل طبقه رقيقه للحمايه
فى تجليد وده فيلم شفاف بيتحط فوق البويه بيعمل حمايه ايضا
الحمايات دى من خدش بسيط او ان العربيه على سرعه وفى رمل بيضرب البويه للحمايه لاكن بالنسبه لشوارعنا الغاليه نحتاج دروع مصفحه للحمايه

**dr.mero90** · 24-03-2016 08:30 PM

اول مره اسمع عن حاجه كده اللي انا اعرفه هو الشمع زى الاستاذ المحترم ذكر و دا بيبقي طبقه رقيقه جدا ضد الخرابيش الضعيفه زى الرمل و الخربشه اللي بتحصل لما بنيجي نمسح العربيه من التراب و فيه الجلاد اللي بيتلزق ع العربيه دا بقي فيه منه الوان و فيه منه شفاف بس لازم العربيه تكون فبريكه ف البوهيه يعني ما رشتش اي مكان بره لان لو رشت و حطيت عليها الجلاد لما تيجي تشيله هايشيل البوهيه معاه انما لو بوهيه المصنع مفيش مشكله بس لازم اللي يركبها يكون مضمون من ناحيه الخامه عشان الشمس ما تبوظهاش و من ناحيه ان هو اللي مسؤل يشيلها ف اي وقت انا احبه عشان لو حصل حاجه تبقي علي حسابه
انما موضوع سيراميك دهان انا اول مره اسمع منه بامانه الله
اتمني تتقبل مرورى

**tasaka** · 24-03-2016 10:15 PM

تجربة سيراميك برو لتلميع وحماية السيارات - حسن كتبي

https://www.youtube.com/watch?v=p6AKQuhaVLw

**Mohamed Desoky** · 24-03-2016 10:32 PM

السلام عليكم ورحمة الله وبركاته هو احنا زى الخليج دى دول متقدمه بفلوسها والسيراميك ده قدامك سنين على مايوصل مصر ازاى وصل

**tasaka** · 24-03-2016 10:40 PM

حماية النانو سيراميك للطلاء الخارجي H9

https://www.youtube.com/watch?v=zNCGJgwcyaA

**مها محمد** · 27-03-2016 12:50 PM

السلام عليكم. ايوه انا أقصد سيراميك السيارات و ليس الشمع أو البلاستيك. فى مركز فتح فى أول طريق اسكندرية و هو بيعمل الموضوع ده و له صفحة على الويب. هما بقولوا ان ده بيحمى العربية و بيدوا ضمان سنتين . و هو ده الى بأسال عليه. حد ممكن يفيدنا ؟

**silentman84** · 20-11-2018 09:24 AM

دى ماده بتيجى فى عبوات ٣٠ او ٥٠ ملى ومعاها سنفجه وفوطه مايكرو فايبر......بيتم توزيع نقط على الاسفنجه ومسح العربيه بيها والمسح بالفوطه بعد التوزيع وتركها تجف خلال ٤٨ ساعه للنتيجه النهائيه.....طريقه التطبيق بيتم تقسيم العربيه لاجزاء .....يعنى مثلا لو حبتدى بالشنطه بيتم تقسيم الشنطه لنصين.....يعنى حشتغل فى النص الاول وهو بوضع عدد نقط معين على الاسفنجه وبوزع من خلال السفنجه الماده على الجزء اللى شغال عليه وبعدها بمسح بالفوطه المايكروفايبر اللى جايه معاها......وبدخل على النص التانى وهكذا بيتم تقسيم الاجزاء الكبيره فى العربيه زى الكبود والسقف الى اجزاء حرصا على عدم جفاف الماده سريعا وحدوث مشاكل فى الطلاء.....الماده بتتوزع بالسفنجه وتتمسح بعدها على طول بالفوطه والطريقه موجوده فيديو على اليوتيوب......وهو ممتاز بيدى حمايه ضد الخدوش والاتربه والحصو والزلط اللى بنقابله فى الطريق ....حمايه من الشمس ...ممتاز بصراحه