تجربتي من شراء قطعة الارض حتى انتهاء المباني و التشطيب.

**EMARA-EMO** · 24-03-2016 12:20 AM

السلام عليكم ...
شباب دي تجربتي من شراء قطعة الارض حتى انتهاء المباني و التشطيب:
كانت مع حلم العيلة نسكن في فيلا واحدة انا و اخوي -ودة كان وصية الحاج رحمة الله علية-انه نحجز قطعة ارض بالشرو ق ....وفعلا بدقت ادور على حد ثقة نشتري منة بورق سليم و رحنا الجهاز استعلمنا عليها وخلصنا فيها سنة 2009 و المشاور الاهم مين هينفذ و يبني بدأت اسال في المنطقة عن مهندس عندة مكتب كويس والحمد لله ربنا وفقنا فية كنت بجيب الخامات الاسمنت و الحديد و كدة لحد ما وثقت فية وخليتة يشتري ..السعر وقتها كان ممتاز بالنسبة للوحوش شركات الاستثمار هناك زي بروجيت و سمارت هوم و .....انا فاكر عمل مقايسة و حدد الاسعار و التكلفة و مشينا عليها لحد ما خلص.
التشطيبات كلها عذاب من الوان و خامات و سلك و وشوش كهرباء- خفضت معاه الاسعار في التشطيب لاني مش هقدر اطع من الشغل اتابع الصنايعية.
الخلاصة الدعاء بالتوفيق و التوكل ثم الاسراع في المواضيع الان انهاردة الاسعار نار و الحاجو مبتنزلش انا صليت استخارة و توكلت.واتشجع انك تعمل الحاجات الي وراك ولا تستسهل انك تبيع الارض لان الشقق برضوا للاخوات كويسة لو انتوا عيلة.والله المستعان.

**Medhat Fathy** · 24-03-2016 09:15 AM

الف مبروك وبالتوفيق وربنا يباركلكم فيه ان شاء الله.
هل ممكن تعطينا فكرة عن سوق الاراضي حاليا في الشروق من ناحية توافرها واسعارها وايه الاماكن الافضل؟
وشكرا جزيلا.