طحينة فى الزيت , لسه عامل نص عمره

**mchafeii** · 24-03-2016 03:25 PM

السلام عليكم
العربية فرنا 2006 الموتور القديم 1.5 عاملة 135000 كيلو
, لسه عاملة نص عمرة من 6 شهور
ومن ساعتها جايبه زيت من وش التاكيهات والكارتيرة و اوسيل الكرنك

بس مش دى المشكلة من اسبوع المية بدئت تنقص لما فتحت لقيت الكوعة بتنزل نقط من الجوان الفوقانى بتاعها, حليت الكوعة بنفسي و غيرت الجوان بتاعها والجوان اللى بنها وبين الموتور, وبعد ما دورت (دارت بصعوبةشوية وتقطيع واضطريت ازودلها بنزين) واطمنت ان الكوعة سليمة وطفيت (دارت تقريبا 3 دقايق بالكتير 5) , و بليل بقيس الزيت لقيت الطحينة المؤشر كله طحينة فتحت الغطا لقيتة طحينة برده مع ان من يومين كان كله سليم : !!!!!

انا بصراحة اتخضيط , مره واحدة الزيت بقى طحينة . قولت يمكن من وش التاكيهات مية دخلت ولا حاجة روحت لخراط ظبطلى المسامير بتاعت وش التاكيهات لانها كانت بتفوت . والميكانيكى كان بيدق على المسمار عشان يركبه !!!!!!!! , وغيرت الجوان بعد تنضيف الغطا من اى طحينة ونزلت الزيت القديم وحطيت زيت شل 1000 عشان اجرب ودورت وروحت وبفتح الغطا بتاع الزيت الطحينة ظهرت تانى والشكمان بقى بيطلع بخار مية والمشوار اللى بياخد نص ساعة المية بتنقص نص لتر .

دلوقتى هو جوان وش سلندر ؟؟؟ بس العربية ماسخنتش . فى ناس قالوللى ممكن يكون المنافولد الجوان بتاعه بايظ بس مش عارف ؟!!! ياريت حد يساعدنى لانى تعبت بجد من الصنيعية و العربية مطلعه عينى من ساعت ماجت !!!

برده لقية الماسورة النحاس اللى طلحه من الكوعة بتجيب مين هى بتتغير ؟

**عبدالله برعى** · 24-03-2016 05:26 PM

اسباب اختلاط الزيت بالمياه
1- الجوان نفسة وان لم يبقي السلندر فيه بروز وابعاده السطحية فيها تمدد من الحرارة
2- مجاري التبريد فيها صدا وداخلة علي بعضها البعض مياه وزيت

**Fawzy.Abdelnour** · 25-03-2016 01:12 PM

لازم هتحل موتور يا باشا عشان تتأكد ان كله تمام.
و تجيب مستره حديد تحطها علي سيفها علي وش السلندر عشان تشوف لو مقوس.
لو مقوس يبقي يتخرط و بعد كده تحط جوانين عليه مش جوان واحد، و نصيحه هات الاصلي.