متى سيطبق التخفيض الجمركي على السارات الاوربيه

**mohamed physic** · 24-03-2016 11:38 PM

اخواني الكرام اريد ان اسأل عن التخفيض الجمركي للسيارات الاوربيه متى سيطبق لاني حجزت سياره رينو كابتشر والاستلام بعد شهرين وسعرها الحالي 188000 جنيه فهل ساجد فجاءه انخفاض في سعرها مثلا 60000 جنيه ام ماذا وما رأي حضراتكم في هذه السياره لاني اختارتها بعد حيره كبيره بينها وبين السانج يونج تيفولي وجزاكم الله خيرا

**svneleven** · 25-03-2016 04:39 AM

ما فيش اي حاجه هتحس بيها. يمكن السعر يزيد بسبب زيادة الدولار و جشع التاجر و كمان البلد بتنزل الجمارك من ناحية و تزود دمغة أو رسم تنمية او اي شكل اخر من اشكال الضرايب عشان يحافظ علي مكسبة من ناحية تانية.

**hugan** · 25-03-2016 11:36 AM

الناس هنا في مصر طيبين قوي
في مصر!!!!!!!
حد لسه متخيل ان في اسعار في مصر هاتنزل

**rotanamasoud** · 25-03-2016 01:07 PM

التخفيض حينزل فى المشمش باذن الله

**mohamed physic** · 25-03-2016 08:04 PM

شكرا لكم وما رأيكم في التيفولي ولا الكابتشر

**juba8** · 24-07-2016 12:06 AM

المشاركة الأصلية كتبت بواسطة Fawzy.Abdelnour

الجمرك بينزل 10% من قيمته سنوياً في اول يناير.
و الجمارك هتوصل 0% في 2019.
طبعا هيكون قانون الضريبة المضافة طلع، يعني هيعوض اللي اتلغي فالجمارك.
و الدولار فالطالع، و غالباً هيضرب، يعني العربيات هتغلي مش هترخص.

**asd7778** · 23-08-2016 10:53 PM

الجمارك بنزل فعلا بشكل سنوي حتي تصل الي 0% علي السيارات الأوربية في 2021 لأن في سنتين تم إيقاف التخفيض فيها وطبعا الاتفاقيه مش عبيطه لأن لا يمكن وضع أي رسوم اخري علي سعر العربيه تحت أي مسمي اكتر من 20% لذا فإن الجمرك حاصل الي 0 بحلول 2021 ولكن الزياده في سعر الصرف للأسف لا تجعلنا نشعر بالتخفيض فمنذ بدء في التخفيض الجمركي التدريجي وسعر العمله في تزايد

**sherif_mahalla** · 24-08-2016 12:50 AM

طيب ليه مفيش فرق كبير حصل بين الأوروبية و غير الأوروبية
الصيني مثلا ليه مفرقش

**sa3dawy** · 17-09-2017 03:15 AM

الاتفاقية مطبقة بالفعل
ويوجد عربيات فى مصر جمركها صفر فى المية وفقط بتدفع ضريبة المبيعات
زي الجولف ال ١٢٠٠ التيربو الجديدة الى عاملة ١١٠ حصان وتسارع ٩.٩ ثانية من صفر ل ١٠٠ (مشاء الله متفوقه على الالنترا والسيراتو والكورولا وغيره وغيره وغيره ) بس عموما التسارع مش كل حاجة فى الاداء .

المهم الاتفاقيه بتطبق
وحتى عربيات تويوتا بقت بتجيلنا من مصانع اوروبا بدليل ظهور الاوريس الى لايمكن كان التوكيل ينزلها مصر لان المستخدم المصرى مبيحترمش الهاتش باك مهما كان اسمها .

المهم العربيات الى تحت ال ١٣٠٠ سى سى جماركها اصبحت صفر

والى ما بين ١٣٠٠ ل ١٦٠٠ لسه سنة وتبقى صفر وهي حاليا اساسا خلاص قربت خالص .

لولا الاتفاقية كان زمان مفيش ابدا جولف ب ٤٠٠ الف ولا سيات ابيزا ب ٢٨٥ !