رايكم ف الموضوع ده ضرورى و ف اسرع وقت بالله عليكم يا جماعه

**dr.mero90** · 25-03-2016 02:44 AM

السلام عليكم و رحمه الله و بركاته اتمني تجاوبوني ف الموضوع ده
انا عندى كورولا 2004 كان فيها جنوط 14 بتاع بلادها طبعا غيرتهم بجنو 15 اسبور و و جنط منهم اتطبق و اتكسر و دورت كتير علي جنط شبهه ملاقتش خالص فيه ناس بتقول اني اصلحه و طبعا التصليح ف الالومنيوم انا مش هابقي واثق فيه خصوصا ان معظم شلي سفر و احمال ع العربيه و لو جيت اركب الجنوط الحديد 14 هحتاج سرر و هنخش ف موال ما يعلم بيه الا ربنا ايه رايكم انا بفكر اشتري طقم جنوط جديد بس عاوز اجيب الحديد ال15 اللي بينزل ف الياريس بتاع بلادها لان الكاوتش موجود عندي 15 جديد مبقالوش شهرين مقاسه 195-65 و لا اشتري جنوط اسبور ولا اشتري دنوط اسبور تاني و لو واحد جرراله حاجه اتمرمرط كده تاني و ارجع اشتري طقم جديد
ايه رايكم اجيب 15 حديد و طاسات انا سالت عليهم هيعملو الخمس جنوط 1000 جنيه استيراد بلادها و الجنوط الاسبور 4 جنوط بس و النضيف فوق ال1500 و انا بصراحه العمليه ضيقه اليومين دول و خايف من الاسبور تاني احسن يعمل معايا نفس الحوار ايه رايكم اصلح و لا اشتري و لو اشتريت اشتري حديد و لا اسبور

**svneleven** · 25-03-2016 04:31 AM

طبعا ما ينفعش تصلح حفاظا علي حياتك و حياة اسرتك. كل الناس معاها حنوط اسبور 4 قطع و قلما واحد يتكسر ممكن يتني بس و تستعدله. اللي حصل لحضرتك شئ مش بيحصل كتير. الخلاصة لو معاك فلوس هات جنط من مكان محترم و صناعة تايواني مثلا و يشيل وزن كبير (500 كجم ) مثلا. ما فيش فلوس يبقي حضرتك مظطر للجنوط الحديد. و ممكن تتعب شوية و تدور علي جنط واحد مكان اللي انكسر.

**dr.mero90** · 25-03-2016 05:52 AM

المشاركة الأصلية كتبت بواسطة svneleven

طبعا ما ينفعش تصلح حفاظا علي حياتك و حياة اسرتك. كل الناس معاها حنوط اسبور 4 قطع و قلما واحد يتكسر ممكن يتني بس و تستعدله. اللي حصل لحضرتك شئ مش بيحصل كتير. الخلاصة لو معاك فلوس هات جنط من مكان محترم و صناعة تايواني مثلا و يشيل وزن كبير (500 كجم ) مثلا. ما فيش فلوس يبقي حضرتك مظطر للجنوط الحديد. و ممكن تتعب شوية و تدور علي جنط واحد مكان اللي انكسر.

الف شكر لسرعه رد حضرتك بس بالنسبه لاني ادور على واحد شبهه انا دخت و ما لقتش خالص و لما لقيت حاجه شبهه لقيته ب2200 و اتفجائت كمان ان فيه جنط تاني كمان عندي معووج و ف الاصل الجنط اللي اتكسر الاولاني ده مكسور من الشفه يعني حتي لو اتصلح مش هيبقي فيه عزم و اى مطب هيكسره يبقي خسرت فلوس التصليح و باللنسبه للاطقم الاسبور فيها عيب لما واحد بيبوظ بردو بتدور عليه لحد ما تجيب اخرك و احتمال ما تلاقيهوش زى ما حصل معاياانا الكوتش جديد بس بفلوس الطقم الاسبور ممكن اجيب طقم حديد و هيبقي اعتمادى اكتر ع الطريق و اجيبله طقم كاوتش جديد بحق طقم الجنوط الاسبور بس انا عندي الكاوتس جديد كله يعني هحتاج فرده واحده احطها للجنط الاستبن يعني الحديد ب 1000 جنيه استيراد بتاع بلدها و ممكن ننزله800 و نجيب فردتين كاوتش زيرو ب700 جنيه نركبهم قدام و ناخد الكاوتش القديم نحط واحد للاستبن و واحد ورا و نجيب 4 طاسات ب 70 يعني العمليه كلها 1500 او اقل كمان بكتير و هايبقي عندي فرده استبن جاهزه و محترمه و طقم جنوط محترم اعتمادي تمشي عليه و قلبك مطمن و لو لا قدر الله فرده اتكسرت او راحت ف داهيه حتي نقدر نشتري جنط مكانها بدل الحوسه مع الاسبور
الاسبور شكله حلو بس للاسف ما ينفعش ف البلد دى اولا اسعاره عاليه و خامته وحشه و الطرق مليانه مطبات و بتركبه و قلبك علي ايدك من الخوف منه ف اي لحظه و ممكن عشان فرده ترمي 3 جنوط و الله حرام يا جماعه