مشكلة الفتيس 127 - 4 غيار مجننانى

معايا عربية توب 127 اسبانى الحمد لله تمام وزى الفل
مشكلتها الوحيدة الفتييس رحت لميكانيكى يظبط الفتيس لعب فالعلبة وربط وفك بعدها بتانى يوم رحت له الماكنة راشحه زيت وقال لى مابين الفتيس والموتور مكنش مربوط كويس بعد ما خلانى غسلت الموتور علشان يحدد مكان المشكلة ..مع انه هوه الميكانيكى الوحيد اللى اتعاملت معاه .
المهم حاليا نقل الفتيس متعب جدا وصوته غبى فى النقل وبيضايقنا فى الطريق خصوصا مع داخله الصيف والزحمة والوقوف كل دقيقة .

عايز اعرف هل محتاج اغير الفتيس كله على بعضه وايه ارخص مكان اقدر اغيره فيه
الفتيس عندى 4 غيار هل ممكن اجيب 5 غيار منغير ما اعدل فحاجة تانية ,.. مع العلم ان الميكانيكى لما ربطه قال لى وهوه بيزود زيت الموتور ان الفيتيس ملحوم وقال لى بمعجون مش عارف يعنى ايه ..وهل اغير زيت دلوقتى ولا بما انى هغير الفتيس استنى واغير مرة واحدة ..لانى كنت عامل حسابى اغير زيت اول الشهر ...وشكرا ليكم