عرض للطباعة
الاخوه الافاضل
كنت عايز اعرف راى الى جربو الهارد ديسك السوليد ستات ssd مع الابتوب - يعنى غيرو الهارد ال hdd الى ssd من حيث
السرعه فى تحميل الويدوز ؟
الاداء ؟
التحمل و الحفاظ على الداتا ؟ امان و لا بيضرب ؟
انا اصلى بفكر اجيب ssd و اركبه فى الابتوب بدل ال hdd
و لكم جزيل الشكر
مش فى لابتوب بس انا مجربه على البى سى و انسى فرق السما من العما سرعه تحميل الويندوز و تسطيبها كانت وهم خيال كده غير الالعاب الصراحه اكتر حاجه شوفت فيها فرق حقيقى فى الاداء الى كنت فاكره بس كارت شاشه و رامات ال ssd فرق معايا اوى فى الفرام رايت و فى انى عليت السيتينج و لعبت مرتاح اختراع فاجر بس غالى شويتين
بقالي اكتر من 7 سنين باستعمله في اللابتوبس
لما باستعمل كمبيوتر او لابتوب عليه هاردديسك عادي باتشل ......
شكرا جزيلا على الرد و الاهتمام
ربنا يكرمكم
يبقى على بركه الله
شاكر اقضالكم
من 7 سنين كان فيه منه ؟؟ !!اقتباس:
المشاركة الأصلية كتبت بواسطة أحمد كمال
سعر كام .. و السعه كام
مع الشكر
ممتاز وسريع وياسلام كمان لو في امكانيه انك تركب هاردين وتعملهم رايد 0 هيبقي أسرع كمان
السعه الموجوده كام وسعره كام لو تكرمت . شكرا
جربناه كتير و فى منتهى السرعة لكن يعيبه سعره المرتفع
لو الداتا بتاعتك كبيرة هاتكون متضطر تجيب هارد مساحته كبير و هايكون غالى لو مش فارق معاك الفلوس
لكن لو الداتا كش كبيرة هات هارد 120 جيجا هايكون كافى
شكرا لردك اخى الكريم و لكل من تكرم بالرد و النصيحهاقتباس:
المشاركة الأصلية كتبت بواسطة hacker5
دا بالظبط الى حعمله - الداتا بتاعتى كتير قوى - شقى سنين من الخبرة :)
انا حشترى هارد ssd سعته 120 جيجا للابتوب و انزل عليه اال os و الداتا بتاعتى على هاردات خارجيه و كده يكون احسن الحلول بالنسبه لى
لوتكرمت الهارد ال١٢٠ اللى حضرتك هتشتريه ده سعره كام تقريبا. اشكرك
اه و الله من 2009 باستعمله :)اقتباس:
المشاركة الأصلية كتبت بواسطة tasaka
مش متذكر جبته بكام
انا يا جماعه حبيت بس اعمل متابعه و ابلغكم عملت ايه علشان تعم الفايدة لكل الى بيفكر يحول من هارد عادى الى SSD
اولا بشكر كل الاخوة الى ساعدونى و ادونى النصيحه
انا نزلت الناهردة اشتريت SSD 120Gb و ركبته على الابتوب بتاعى - ال SSD مقاس الهارد العادى بالظبط بتشيل و تركب من غير مشاكل
تمنه 580 جنيه و عملى خصم و اخدته ب 550 جنيه من مول الكمبيوتر الى فى السخاوى
ركبته و نزلت الوندوز 7 و ظبته - بصراحه - فرق كبير فى السرعه و الاداء و خصوصا فى تشغيل الوينوز
نوعه ايه استاذ mmtronic
Kingstonاقتباس:
المشاركة الأصلية كتبت بواسطة smsm2015
ما هى نسبة تعرض هذا النوع من الهاردات للتلف
اسمع انه غير جدير بعمليات التخزين...اي ان تعرضه للتلف و خصوصا محو الداتا من عليه كبير مقارنة بالقرص الصلب التقليدي...هل من مؤكد او نافي لتلك المعلومة من مستخدمينه؟؟
لا اعتقد ذلك .. الهارد ssd المفروض هو يكون افضل ( لان الهارد لا يدور .. و مفيش ابره تتحرك علشان تقرأ الداتا .. و لا يتأثر بالصدمات التى قد تتلف الهارد العادى .. و كمان لا يحتاج الى Defragment لان الهارد ثابت لا يدور )اقتباس:
المشاركة الأصلية كتبت بواسطة digicron
يمكن سبب ان بعض الناس قالت لك بيبوظ .. ان الهارد ssd بيكون مكون من مجموعه متتاليه مما يشبه الفلاشات .. الفلاشات دى لها عمر افتراضى للاستعمال ( عدد معين لمرات الكتابه و المسح ) بعدها تصبح غير صالحه .. و على ما اظن ان العمر الافتراضى ده بيكون كافى لاستعمال الكمبيوتر لسنوات كافيه حتى تقوم باستبداله
و لا اعلم عن اسباب اخرى لتلفه