اهلا يا جماعة
محتار بجد اختار ما بيت العربيات ديه و ناوى اشترى خلال الشهر الجاى و محتاج اعرف رأيكم و خبرتكم :
نيسان صنى
تويوتا يارس
بروتون جين تو
هوندا سيتى
و ياريت اللى عنده خبره يقول المزايا و العيوب خصوصا اسعار الصيانة و قطع الغيار و الوكيل عامة و سعر اعادة البيع ........منتظر ردودكم و ارائكم ضرورى جدا خصوصوا من اللى جرب اى من العربيات ديه.
1-هوندا سيتى
2-نيسان صنى
بروتون جين تو
نفس الحيرة بالظبط كانت و مازالت عندي أنا كمان .. و بقالي شهر بفكر في السيارات التلاته .. و إليك خلاصة ما توصلت إليه إلي الأن.
أولا شيل الياريس من المقارنة و ده مش عشان هي وحشة و لكن لأن سعرها مغالا فيها جدا بالنسبة لإمكانياتها بجانب بعض العيوب مثل: وضعية العدادات اللي تحول .. الشكل اللي مش جميل ( وجهة نظر شخصية بحته ) - عدم الثبات لعلو السيارة.
أنا شلت الياريس من المقارنة و بدأت مقارنة بين الجين 2 و الهوندا سيتي .. ممكن تتابع الموضوع هنا:
أشتري جين 2 و لا هوندا سيتي
خلاصة المقارنة بين السيتي و الجين 2 :
______________________________
موتور الجين أقوي من السيتي (ده لو بنتكلم عن جين 1600 و سيتي 1300)
تقفيل السيتي أحسن من الجين
توكيل السيتي أحسن من الجين
قطاع غيار الجين أحسن من السيتي (عشان موجودة برة التوكيل)
إستهلاك البنزين في السيتي أحسن من الجين
صالون السيتي أحسن من الجين
فرامل الجين أحسن من السيتي عشان ABS (برغم إن البعض أشتكوا منه) و موديل 2009 من السيتي هينزل ABS
إعادة بيع الجين أحسن شوية من السيتي
صاج الجين أحسن من السيتي
الشكل الخارجي للسيتي أحسن من الجين ( رؤية شخصية )
أوتوماتيك السيتي أحسن بمراحل من أوتوماتيك الجين
ثبات الجين أحسن من ثبات السيتي
أسم الهوندا (H) مهما كان التقفيل أحسن و أشيك من الجين (بروتون)
كماليات الجين أكتر من السيتي
لسه منعرفش موديل 2009 في السيتي بكام ( المتوقع فوق 100 الف) :sad:
علي فكرة السيتي فيها 3 مميزات مقصورة عليها و لا توجد في عربية أخري في نفس الفئة و بعض الفئات الأعلي:
1- أستهلاك البنزين في السيتي أختراع (800 كيلو في التانك - التانك 42 لتر)
2- أتوماتيك السيتي CVT إختراع ( أحسن حتي من التيبترونيك )
3- صالون السيتي إبداع
بص باشااقتباس:
المشاركة الأصلية كتبت بواسطة yoyo_saleh
انت لسه جاى من كذا معرض و مافيش وجود ل هوندا سيتى...الكل منتظر الشكل الجديد
و اتصلت دلوقت بالفطيم قاللى عندى حتة واحدة بس هوندا سيتى مانيوال 1300 لونها ابيض و معنديش تانى و الشكل الجديد شهر يناير و هايبقى اغلى من السعر الحالى
يعنى كده الهوندا خرجت من امكانياتى حاليا
انت فعلا عندك حق, انا لسه راجع من المصرية و شوفت التويوتا يارس....بصراحة شكلها تعبان جدا جدا و التابلوه تعبان اخر حاجة.
اللى عجبنى حتى الان النيسان صنى و الاوبترا....
فعلا هي ديه المشكلة .. مفيش غير ال 1300اقتباس:
المشاركة الأصلية كتبت بواسطة space_life80
وعشان كده أنا بدور علي موديل 2006 أو 2007 1500cc
طيب هل تعرف اى معرض عنده هوندا سيتى ؟؟