الموضوع: نقل ملكية السيارة والرخصة منتهيه

السلام عليكم
لو سمحتوا انا اشتريت عربية من شخص معرفهوش عن طريق اعلان فقط وااشتريتها بتوكيل والى باعهالي كان معاه توكيل بردو
يعني انت معايا توكيلين دلوقتي ... ومكنتش لسه نقلت الرخصة لاسمي .. دلوقتي الرخصة انتهت روحت اجددها قالواي مينفعش لازم المالك الاصلي بنفسه .. هل ينفع انقل الملكيه لنفسي دلوقتي بدون شهادة بينات
او في حل للوضع ده بدون المالك الاصلي لاني بالفعل معرفهوش حالص وانا اشتريتها من المالك التاني الي كان بيملكها بتوكيل بردو?

ياريت تساعدوني ويارب يكون في حل لاني مش عارفه اعمل ايه

المشاركة الأصلية كتبت بواسطة fawzy.abdelnour

ا
تروح المرور تجيب شهادة بيانات بموجب التوكيل اللي معاك، و بعد كده تروح الشهر العقاري تعمل عقد بيع مسجل لنفسك بموجب التوكيل اللي معاك بردو، و ترجع تاني المرور تغير الرخصة عشان تبقي باسمك.

الكلام ده مظبوط
بس اضافة بسيطة
انت هتروح المرور بتاع العربية وتجيب عدد 2 شهادة بيانات واحدة للمرور وواحدة للشهر العقارى
وهتجيب شهادة مخالفات للعربية
وبعد كده تروح الشهر العقارى تعمل عقد بيع نهائى
وتطلع على المرور بتاعك وتعمل فحص للعربية وبعد كده تروح المرور بتاع العربية تعمل مطابقة بصمة وترجع مرورك تكمل اجراءات تجديد الترخيص ونقل الملكية