عايز اجيب عربيه نص نقل جديده ولقيت النيسان سعرها مناسب ايه رايكم فيها من حيث الصيانه وقطع الغيار والاداء وقوه التحمل
عرض للطباعة
عايز اجيب عربيه نص نقل جديده ولقيت النيسان سعرها مناسب ايه رايكم فيها من حيث الصيانه وقطع الغيار والاداء وقوه التحمل
مفيش اي حد عنده تجربه مع نيسان النص نقل
ماعنديش تجربة مع النيسان، لكن عايز اجيب عربيه للشغل انا كمان.
سألت قالولي افضل حاجه فالسوق حالياً هي الايسوزو.
الشيفروليه تربو احسن ومميزات اكتر
في فرق سعر ولا زي بعض؟؟اقتباس:
المشاركة الأصلية كتبت بواسطة عبدالله برعى
انا عارف ان الشفروليه كويس بس ع ماسمعت ان نيسان هيا اللي تربو مش شفروليه وانا بسال ع النيسان علشان ع قد فلوسي
الايسوزو هيا هيا الدبابه بس الايسوزو تقفيل بره والدبابه تقفيل مصر النيسان سعرها كويس جدا بس عايزين نشوف حد جربها قبل كدهاقتباس:
المشاركة الأصلية كتبت بواسطة fawzy.abdelnour
بص ياباشا انت جيت في ملعبي
صلي علي سيدك النبي
النسيان انعم واسرع
تحس انك راكب ملاكي
وسعرها اوفر كتير عن ادبابه او الدي ماكس والتويوتا
تقريبا هي العلي في الترتيب من حيث السعر بعد الزي مكس
صالونها اضيق وقعدتها مش مريحه زي غيرها
فتيس ناعم وعزم موتور وسحب جبار
خصوصا بعد ما ركبولها التيربو وعدلوا الموتور بعد سنه 2013
بقت 130 حصان ودول علي موتور ديزل 2700 يعني هبل السنين
العربيه انا سوقتها لقيتها مجنونه بتوصل ال160 بكل سهوله
وبتشد مع الملاكي الزيرو راس براس
اعاده بيعها في السوق المصرص زي الزفت
بخلاف بلاد تانيه زي ليبيا مثلا
الشركات بتفضلها عشان سعرها
قطع غيارها متوفره والحاجات الي بتتغير باستمرار زيها زي الدبابه
بس الحاجات التقيله زي الموتور او الفتيس اغلي شويه
الشاسيه بتاعها اقل في قوه التحمل من غيرها
الموتور اعتمادي بس مش بشكل كبير
وبعض ملاكها اشتكوا منها ان العوامل الجويه زي الحر لهم تأثير علي عمر الموتور مع القرص والحموله
بتحتاج معامله خاصه وحموله مناسبه
يعني مثلا لو صاحبها الي هيركبها والحموله اخرها 1.5 يبقي كويس وهتعيش معاه
انما شغل سواقين وجري والعربيه اصلا جرايه
يبقي مش هتعيش معاه وهتفتح بوقها بدري
لوز شغل قاسي وتحت رجل سواق يبقي بتمنها تجيب حاجه حالتها كويسه موديل 2012 دبابه افضل
هتحافظ علي تمنها وعربيه بتاعه سوق
لو حضرتك عايز تفاصيل اكتر كلمني
أخوك/أحمد الفقي-طنطا
شكرا يااستاذ احمد ع المعلومات الحلوه دي بس العربيه انا اللي هستخدمها مش سواق عندي ارض زراعيه ولقيت افضل سعر مناسب هيا النيسان وخايف من الصيانه بتاعتها واسعار قطع الغيار وبالنسبه للبيع بتعها تقيل ف السوق المصري ف انا مش هفكر ابيع لاني ف اشد الاحتياج ليها بس هيا المشكله ف النقطه اللي قولتها بتاع الحموله الدبابه بتوصل حمولتها ل ٢ طن النيسان متقدرش تتحمل الحموله دي بحكم تجربتك ؟اقتباس:
المشاركة الأصلية كتبت بواسطة a7medelfe2y
معلش ياباشا يعني موتور اعتمادياقتباس:
المشاركة الأصلية كتبت بواسطة a7medelfe2y
قطع الغيار فعلا متوفره
والحاجات الكبيره بتبقي اغلي من الدبابه
اما الحموله ف الدبابه انا عندي واحده موديل 99 وحملتها قبل كدا 2800 كجم
اما النيسان ف اخرها نص الحموله دي
وبالنسبه للموتور
بيشتغل كويس لو الصيانات في معاداها وعاملته بالسياسه
ومتقرصش عليها في الصيف
غير كدا هتبقي كويسه
وطالما حضرتك الي هتستخدمها بنفسك ومش ناوي تفكر في البيع يبقي توكل علي الله
بس اركبها الاول وجرببها لانك لو طويل القامه هتلاقيها مش مريحه
عندك فكرة عن الاسعار يا باشا؟؟اقتباس:
المشاركة الأصلية كتبت بواسطة a7medelfe2y
نيسان و ايسوزو و دبابه.
تاعبينك معلش بس واضح ان حضرتك فاهم قوي.
تحت امرك ياباشا
الاسعار بتتغير بس هقولك الي اعرفه
ان الدبابه عليها عرض 4 جنيه دهب وتبدا من 143500 والكامله تزيد مش اقل من 10000 تقريبا
الديماكس من 3 شهور اول فئه كانت 165000 واكيد زادت دلوقتي بس معرفش كام
النيسان من كام شهر كنا شارينها من توكيل نيسان في طنطا كانت بتبدأ من 106000 والكامله 112000
بالنسبه للدي ماكس والنيسان بعد سعر الدولار اكيد السعر هيزيد مش اقل من 10000
تسلم يا باشا.اقتباس:
المشاركة الأصلية كتبت بواسطة a7medelfe2y
شكراً جداً.