انا عندي مشكلة مع تكييف الفيرنا

**Eng.Mina** · 27-11-2008 04:58 PM

مساء الخير
انا عندي في عربيتي ملاحظ ان التكييف كفاءته مابقتش زي الاول الاول كان تلاجة وكان اللي يركب معايا بيحسدني عليه (مقارنة بالاسبيرانزا) لكن دلوقتي حاسس ان ضعف شوية مع العلم ان المشكلة دي ظهرت بعد ماغسلت العربية (غسيل من الخارج فقط يعني ماجتش جنب الموتور نهائي ) فانا مش عارف الموضوع ده سببه ايه ؟؟؟؟؟؟؟؟
العربية فيرنا 1600 موديل 2007 عامله 8200 كيلو

**boboscarlos** · 28-11-2008 11:02 PM

ممكن يكون في حاجة محشورة في مروحة التكييف حصلت معايا قبل كدة وطلعت ورقة شجر

**badawy66** · 29-11-2008 10:59 AM

ممكن يكون الفريون قل من كتر استعامل التكييف اكشف علية احسن وكمان على خرطيم التكييف ممكن يكون خرطوم بيسرب . وإن شاء الله تطلع حاجة بسيطة .

**mido_1311** · 24-02-2009 05:53 AM

نضف فلتر التكييف و هيرجع تاني زي الاول

**evram** · 24-02-2009 09:36 AM

بص اولا شوف الفريون و بعدين حد يجيب فرنا اسبرانزا احسن انا معيا اسبرانزا تكيفة ثلاجة

**ahmed_198** · 25-10-2009 07:16 PM

حد يجيب فيرنا !!!!! ع اساس انو اسبيرانزا دى bmw واحنا منعرفش لو قصدك ع a620 اقولك ماشى بس لو 516 يبقى حرام عليك حضرتك روح توكيل اسبيرانزا وشوف كام عربيه من النوع دا واقفه ع الباب مستنيه حد يعطف ع صاحبها ويشوف مالها دا abs فيها بيفصل يا راجل

**monmonmon** · 25-10-2009 08:55 PM

مساء الخييييييييييييييييير
باشا انت متأكد انك عامل 8200 كم بس!!!
انا عامل 8040 كم ب i10 موديل 2009 و مش بستخدمها كتير!!!

على العموم هل فى فلتر تكييف فى العربية و لا لأ؟؟؟؟
لو فى هتلاقيه تحت درج التابلوه ممكن تفك الدرج و تطلع الفلتر هتلاقيه متبهدل نفضه و لو عندك بلاور انفخه و بعد كده اغسله بسائل تنظيف و مياه و هتلاقيه معبى بلاوى

انا عندى ماتريكس 2007 لسه فاكك الفلتر من يومين و بجد طلع بلاوى و حتى ال i10 رغم انها 2009 بردوا الفلتر كان مترب و فيه ورق شجر و نمله
الفلتر المسدود هيعمل خنق فى مسار الهواء و هتلاقى سرعة الهواء مش عاليه زى الاول مع تغيير سرعة المروحة 1-2-3-4

لو مفيش عندك فلتر تبقى المشكلة فى التكييف نفسه
1- فريون قليل (حصل تسريب)
2- فريون زياده (و ده مستبعد لانك بتقول اداء التكييف قل يبقى حصل نقص)
3- التأكد من عمل الكومبريسور و السير مشدود!
4- مروحة المكثف شغاله و كله تمام؟؟؟؟

علشان تتأكد ان التكييف شغال بكفاءة.. بص على الماسورة اللى عليها حرف (L) و دى مرتبطة بالمبخر (اللى بيسقع الكابينة) لو لقيت متكثف عليها مياه و ساقعه اوى يبقى التكييف شغال تمام

**M.Osman** · 25-10-2009 11:01 PM

انا اعرف ان الفيرنا مفيهاش فلتر... ان شاء الله بسيطة

و ابقى طمننا ..

**AHMEDCAR** · 26-10-2009 10:33 AM

نظرا لرقم الكيلو متر القليل فى سنتين دول و ده بدل على عدم استخدام العربيه كتير

بالتالى ممكن يكون فى تسريب بسيط فى دوره التكييف اكسف على الفريون و شوف ناقص و لا لآ

معلومه الفيرنا مافيهاش فيلتر تكييف الفيفا فقط اللى فيها

**Eng.Mina** · 26-10-2009 10:09 PM

شكرا يا جماعة علي الاهتمام بس دي كانت مجرد تهيؤات والحمد لله التكييف زي الفل وكويس وبالنسبة للكيلومترات العربية وصلت دلوقتي ل 16466 والتكييف بشغله كل اسبوع مرة حتي في الشتاء