اسعار قطع غيار سيات توليدو 1996 وتجارب الاعضاء

**hanfys** · 28-03-2016 06:24 PM

مساء الخيرات عليكم جميا اصحاب السيارات سيات توليدو 1996
انا لسة جديد في عالم السيات اساسا
كنت راكب لادا اهي اروبي بردوا بس صراحة لما جبت السيات توليدو حسيت بالفرق الكبير بين الي كنت راكبة وبين السيارات الالماني الاسباني
انا طبعا نزلت اشتريت شوية حجات لزووم العربية
انذار 190
قربة لللشنطة 90
وحدة رفع 60
حساسات رجوع للخلف 80
فلتر زيت 35
فلتر بنزين 50

اتمني منكم بقي تساعدوني في العربية دي لاني فعلا مش فاهم فيها اي حاجة خالص وطبعا اي حد يجيب حاجة ياريت يفيد بيها باقي الاعضاء
وشكرا مقدما علي تواصلكم

ممنوع استخدام اللون الأحمر في الكتابة

**hanfys** · 05-04-2016 01:02 PM

هو ليه محدش بيتفاعل يا شباب ؟؟؟؟؟
ولية ي ادمن انت مش متفاعل معانا عاوزين استشارات

**SYD** · 11-04-2016 11:57 PM

الف مبروك العربية واحنا تحت امرك في اي استشارة

**hanfys** · 18-04-2016 02:18 PM

طبعا كالمعتاد محدش ساعدني او رد علي في موضوع جلب المقصات المهم انا اتصرفت وربنا كرمني بواحد في حلوان اسمع عادل عفشة
قالي جبيتن بالكاوتشات جبتهم من فتح الباب في صقر قريش ب 130 بعد 150
علي فكرة مش عيب انك تفاصل ومتكسفش
ورحت ركبتهم ربطلي العفشة وغسلها وزيتها وروق عليها كويس والعربية الحمدلله زي الفل
الغريب بقي اني بقيت بسمع صوت طقطقة قدام حتي وانا ماشي عدل يعني مش في الملفات والديركسيون تقل شوية ياتري دة من اية

**hanfys** · 18-04-2016 02:24 PM

اخيرا بقي ومع الحر الشديد التكييف مكنش بيصقع فقولت العادي محتا شحن رحت لواخد ربنا يسامحة قالي دة السربنتينة مخرومة (دي كانت حقيقية ) وبتنفس والككباس بايظ والخراطيم معرفش اية انزل بقي هات الحجات دي وتعالي
المهم رحت علي الحرفين وبعد شوية لف وعند سراج اشتريت
1. كباس 450 جنية
2 خراطيم 400 جنية
3. قاعدة كباس 200 جنية
4 تركيب وشحن وخلافة 350 جنية
5. شغل كهربا 150 جنية
طبعا انا بقولكم الي كان هيخصل معايا لكن رحت عند خالد كتلة في الحرفيين راجل ظريف ودمة خفيف وعندة شاب اسمه اسامة راجل بجد قالي بصراحة حرام كل دة
احنا نجرب حاجة حاجة والي شغال نسيبة كدة انت هتغير التكييف كله طيب ماتجيب بقي واخد جديد احسن
المهم مش عارف ليه اقتنعت بكلامة وبدء فك السربنتينة لاقي فعلا انها بايظة المهم دورت استيراد ملقتش اشتريت واحدة جديدة وركبها وراح كابس طلع مفيش اي تسيريب والكباس كويس وزي الفل
غيرت التيرموثتات والتكيف الحمدلله زي الفل
التكلفة بي
350 جنية سربنتينة
100 شغل كهربا
50 جنية ثرمثوثتات
300 شحن وفك وتركيب وكبس وكل الحركات
واديت العيال كل واحد 10 جنية كمان
اتمني اكون افدتكم ورجاء منكم مساعدتي لما اسئل
شكرا يا ادارة علي ردك وبعتذر مرة تانية عن اللون الاحمر مكنتش اعرف

**hanfys** · 20-04-2016 01:38 PM

يادمن عاوزين استشارة منك
سعر قربة الباور علشان القربة عندي اتكسرت توليدو 1996 ياريت الي يعرف اجبها من فين وسعرها كام وهل في منها استيراد ولا لأ ارجوكم الافادة

**hanfys** · 21-05-2016 12:03 PM

مساء الخير عليكم جميعا
انا طبعا حابب اقولكم مشكلة علشان تخلوا بالكم منها لانها اتسببت في تلف الكاربراتير
انا كنت مسافر الاسماعيلة وبعدين رجعت العاشرة ورجعت تاني الاسماعيلية وانا راجع البنزين نزل النص فقولت ازود علشان وانا راجع القاهر المهم دخلت بنزينة موبيل علي الطريق قبل الاسماعيلية كدة بعشرة كيلوا المهم زودت البنزين وعادي وانا راجع بقي القاهرة لاقيت العربية بتنتش والسحب ضعيف قولت استرها يارب المهم عديت علي الزعيم في صقر وانا راجع علي حلوان تاني يوم قالي في مية في البنزين المهم نضفت التنك والدورة وكدة ولكن حصلت حاجة غريبة جدا العربية بقت بتشرب بنزين بطريقة مستفزة لدرحة انها بقت تعمل 140 في الصفيحة المهم سئلت مختصين واصدقاء قالولي غير الكاربرتاري المهم عديت علي الزعيم جبلي واحد ب 450 جنية وركبة والدنيا ظبطت وصوت العربية اتعدل شوية
ارجوكم خوا بالكم وانتوا بتمونوا عرابيتكم لان الضمير انعدم وحسبي الله ونعم الوكيل

**hanfys** · 02-07-2016 01:51 PM

طبعا انا حكيت ليكم عن الي بحصل فانا حابب اشارككم كل الي بيحصل اهو نفيد زي ما بنستفيد من المووقع الجميل
طلعت الاسبوع الي فات بلطيم المصيف ودي حاجة تبع محافظة كفر الشيخ
المهم القدر اراد ان علبة الشكمان الخلفية تقطم مني علي الطريق قولت عادي كملت بالراحة لحد ماوصلت لواحد لحم الشكمان وكملت
علي الطريق الدولي نازل من كوبري وماشي 120 تقريبا هووووووووووووب مطب ابن جزمة كلته وسكت وطبعا كل الي في العربية ادربكوا علي بعض ماعلينا قضاء الله
يادوب وصلت وبطلت العربية وهوووووووووووب لاقيد دخان طالع وريحة سلك بيسيح بطلت العربية لاقيت دخان خارج من الكابوت بفتح لاقيت ناااااااار خارجة من علبة فلتر الهوا
هههههههههههههههههههوب معرفش ازاي نتشت العلبة رمتها برة العربية ورحت جايب مية وطفيت طبعا العلبة ساحت شوية والفتر راح النار بس ماعلينا
القصة بقي اني كنتش مغظي وعازل سلك الكلاكس كويس ولما اكلت المطب السلك شرز ومسك في الفلتر كارتون راج مولع
القصد خلوا بالم كويس واطمنوا علي كل حاجة في العربية بشكل دوري وربنا يكفيكم ويكفينا شر الطرق

**hanfys** · 13-07-2016 01:14 PM

طيب تمام اكمل بقي معاكم اسعار قطع العيار
امبارح بقي حصل معايا موقف مش لطيف
خرطوم المية الي فوق لواصل بين الردياتير والماتور هوووووووووووب انفجر
نزلت اشتري خرطوم بقي جبته من ابو الوفا ب 25 جنية متوفق مش هو هو بالضبط وقطعت منه حتةة وشغال زي الفل