احتاج مساعدة في التعليم والشراء..

السلام عليكم

الموضوع بالنسبة لي معقد يفترض اشتري الاول ولا اتعلم الاول ولو اتعلمت هل هقدر اشتري سيارة واخدها من البائع واسوقها واسافر .. ولا لازم يكون حد معايا طيب ولو حد معايا متخصص وثقة ولا يكون صديق متمرس وللاسف لا ده ولا ده موجود عندي..

باختصار ولإني مشتت .. انا محتاج شخص متمرس يساعدني في تعلم السيارات اولاً ... وشراء سيارة ثانياً..

وياريت محدش يقولي حد من صحابك او من المقربين لإن لو كان موجود ده مكنتش فتحت الموضوع..

ومدرسة المرور روحتها وطلعت وهمية زي ما انتوا عارفين.. والمدرسة الخاصة بردوا روحتها ولم استفد.. او بمعنى اوضح ما وصلتش للمرحلة الي تخليني اسوق لوحدي..(كأول مرحلة بعد شراء السيارة)

وللسبب ده انا شايف ان ظروفي كلها معقدة.. مع العلم اني معايا رخصة طلعتها قريب..

ياريت يكون حد عنده استعداد لتعليمي في خلال شهر على سيارته لأكتساب الممارسة بمقابل مادي نتفق عليه..

ممكن تتفق مع حد من مدرسة تعليم القيادة انه يعلمك على عربيتك
وانزل بيها فى اوقات تكون الشوارع فاضية ( مثلا الصبح بدرى )
أعتقد انه بعد تعلم الاساسيات، الموضوع كله ممارسة
وربنا يوفقك

وحسب ما سمعت ان ممكن الأجانس يبعت معاك حد يوصل لك العربية لحد البيت
بعد كده سهل بقى تنزل بيها فى وقت بدرى تتعلم والشوارع فاضية
وبالتوفيق ان شاء الله :tumb:

انا عندي نفس مشكلة حضرتك بالظبط .. مبعرفش اسوق ومعنديش حد يعلمني وعايز اشتري عربية بس خايف لأني لازم اكون بعرف اسوق الأول !!! ياريت لو حد عنده حل أو يعرف حد يكون متخصص تعليم قيادة كويس يقولنا ويكسب فينا ثواب

انا عاوزة معلمة قيادة على عربيتها و في المهندسين الله يكرمكم لو حد يعرف يبعتلي رقمها