الموضوع: طلب مشورة بخصوص تكييف شارب الانفرتر

اشتريت تكييف شارب 1.5 حصان انفرتر من يومين الحمد لله وتم التركيب لغرفة 3 في 3.5
طبعا الجو الايام ده مش محتاج تشغيل تكييف
النهارده قولت اجربه واشوف حيعمل ايه في الاوضة
المفروض الجو سقعة + تكييف تكون الاوضة فريزر

لكن ولا أي اختلاف
مجرد مروحة شغال
قولت احط ايدي على مكان خروج الهواء يمكن يكون بيلسع
مجرد هواء

طبعا مفيش اي فايض مياه
قولت يمكن يكون الهواء مفيهوش رطوبة
مع اني بعرق تحت البطانية عرق بسيط
ده والتكييف شغال على ابرد درجة حرارة ممكنة

مش عارف اذا كان ده طبيعي ولا محتاج شحن فريون ولا فيه مشكلة في التركيب
حنتظر لحد ما الجو يكون حر شوية واحكم عليه ان شاء الله

المشاركة الأصلية كتبت بواسطة egytamer

السلام عليكم
طبعا الصيف داخل وكل سنة وانتم طيبين والحر السنادي شكلو ساخن جدا وفواتير الكهرباء شكلها مرتفعة جدا جدااااا
سمعت عن تكنولوجيا الانفرتر الجديدة والي بتوفر من 40% الي 60 % من الكهرباء دا طبعا حسب كلام بتوع المبيعات فياريت لو حد جرب الانفرتر يقلنا هل فعلا بيوفر ولا اشتغالة وخصوصا انو غالي شويتين عن التكيف العادي بيزيد حوالي 2500 جنية فميبقاش فلوس في الارض
كمان لو في معلومات عن الفريون الجديد 410 وانواع التكيف الي بيقولو ان مكوناتها الومنيوم مش نحاس
وشكرا ليكم جميعا

شوف يابرنس الكلام ده كله كلام فاضي

فيه بطاقة كفاءة بتكون زي الورقه علي الجهاز بتصنف الأجهزة من A الي E
والموقع بتاع العربي ( فيس بوك ) بيتهرب جدا من السؤال ده لما تسأله يروح قايلك انه بيوفر 40% من الطاقة وفي الحقيقه تصنيف الجهاز c عندهم علماً بأن جميع الأجهزة الإنفرتر دي تصنيفها A


شارب بتحاول تجزئ الأجهزة . جهاز بلازما بسعر و التربو بسعر والديجتال بسعر
دي كلها بعتبرها أكسسوارات انا يهمنى الجهاز الأول هيبرد كويس وجودته وأدائه
وبعدين أشوف الحاجات ال فوق دي



المهم لو انت عايز فعلا تشتري جهاز كويس منهم فيه عندهم استيراد تايلندي تقريبا بالسعر ده
قطع يابانى تجميع تايلندي بسى لازم تروح بنفسك الفرع بتاعهم

اسم الموديل الانفرتر التايلندي ah-x12sev عامل 6300 بارد فقط

ثانيا هو مجريهوش عشان توصيلات الكهرباء مكنتش جاهزة
وحتى لو جربه بيكون فقط هل الجهاز شغال ولا لا

المشاركة الأصلية كتبت بواسطة egyption2012

اسم الموديل الانفرتر التايلندي ah-x12sev عامل 6300 بارد فقط

ثانيا هو مجريهوش عشان توصيلات الكهرباء مكنتش جاهزة
وحتى لو جربه بيكون فقط هل الجهاز شغال ولا لا

تمام هوة ده ال اقصدة يُقال والله أعلم انه ان القطع يبانى تجميع

وطبعا دفع الهواء وجودة المواد غير والمفروض قبل الشراء يكون فيه واحد مفتوح تشوف بنفسك وتجرب حتى لو تروح اي فرح للعربي نفسه

وغير كده هتلاقي ناس تقولك خليك في التصنيع الداخلي ( علشان فيه مكسب اكتر )