-
لملاك الكارينز
السلام عليكم يا ملاك الكارينز واعضاء نايل موتورز وزواره .
كنت عاوز اجيب عربية عائلية بمعنى الكلمة وواسعة وفى نفس الوقت يكون شكلها حلو وقوية ومنتشرة وفكرت فى الكارينز الشكل القديم ( 2010 ) .
كنت عاوز اعرف هل الموتور ال 1600 ضعيف على العربية وحجمها ولما التكييف بيشتغل العربية بتتقل والموتور بيهنج ولا لا .
وكمان استهلاك البنزين بالنسبة للاوتوماتيك معقول ولا عالى .
واسعار قطع الغيار عادية ولا غالية .
والاهم من ده كله هل ينفع انى اركب كنبة تانية ولا لا وهل حد جرب الموضوع ده ولا لاااااااا.
وشكرا
-
وعليكم السلام ورحمه الله وبركاته
هحاول افيدك علي قد ماقدر بما اني مالك كارينز 2010 منذ 4 شهور وكنت في نفس تفكيرك ومتخوف منها كعربيه عائليه برضه
العربيه محترمه ماشاء الله عليها واسعه / السحب كويس مع التكييف الي حد ما كعربيه عائليه / استهلاك البنزين معقول مش عالي مع مراعاه حجم السياره والموتور يعتبر كويس مش وحش / العربيه واسعه جدا جدا ماشاء الله عليها وعاليه عن الارض / مريحه جدا في السفر بجد / موضوع تركيب كنبه ورا مجربتوش بس سألت عليه بيتركب كرسين قلاب ورا بتكلفه 2000 جنيه تقريبا في التوكيل ده اللي عرفته / قطع الغيار بما اني كنت راكب لانوس قبلها فقطع غيارها حسيتها عاليه شويتين كعربيه كوري بس تستاهل وانا بتكلم طبعا علي القطع الاصليه لان في مش اصلي وده مش غالي كمثال طنابير 1150 جنيه تيل امامي 500 جنيه فلتر بنزين 160 جنيه وجوز مساعدين امامي 1100 جنيه والاسعار دي من شارع دمشق يعني مش من ممكن غالي بس تقييمي كمجمل لعربيه في مصر وعائليه فوق الممتازه ما شاء الله عليها بس اهم حاجه الحااااااااااله
-
الف شكر ياباشا
فعلا كلام مختصر ومفيد .
ممكن اعرف كنت جايبها بكام وحالتها ايه ؟
-
ياباشا تحت امرك في اي وقت
كنت جايبها راشه بره بدون معجون معدا سقف وشنطه وكبوت استخدام سيده اول يد والرش عشان الخرابيش وشوفت صورها قبل ماتترش عداد 75000 الف موديل 2010 خليجي كانت ب 122000 خلصت 120000 ربنا يكرمك وتلاقي حاجه نضيفه بس متستعجلش انا قعدت كتير ادور بصراحه فلاتيأس
Content Relevant URLs by
vBSEO 3.6.0 PL2