صوت تزييق فى الباب عجز امامه مهندسى غبوووور ( حد قابله العيب ده)

**profimh** · 30-03-2016 05:07 PM

السلام عليكم
الموضوع بإختصار انه ظهر للباب الامامى شمال صوت تزييق بايخ مع الفتح و القفل من اربع شهور بلغت بيه مهندس التوكيل المهم عمل فحوصاته و بلغنى ده شداد الباب محتاج يتغير بس مش متوفر.
من يومين طلبنى بعد يأسى من كتر اتصالى بمركز الخدمة و الرقم المختصر لغبورلمدة شهريين و كأنى سراب لدرجة انى زهقت.... المهم كلمنى المهندس يا ريت تشرفنى عشان نغيرالشداد قلت يا فرج الله .
رحت و انتظرت وبعدها بشوية جانى المحترم و قلى ده مش الشداد أمممم امال ايه قالى دى من مفصلات الباب و استنى شوية .اوك ماشى...
شوية راح جاى قلى فى جديد بعد أبحاث شديدة الدقة أن دى من القالووظ اللى فى جسم العربية و اللى بيربط فيه المسمار اللى بيربط مفصلة الباب اللى تحت و هعوز العربية قيمة يوميين......
هنا بقى قلتله باسسسسسس كفاية كده و هاتلى العربية . وقلت أسالكم يمكن حد يفيدنى من المهزلة اللى حاصلة دى...

**meero_boy2000** · 30-03-2016 05:58 PM

انا كان حصل عندي الموضوع ده في الاربع بيبان وحليته ب اسبراي wd 40 بس مش قدر احدد نفس العيب اللي عندي هو اللي عندك ولا لاء بس مش هتخسر حاجه جايب زجاجه اسبراي كده كده انت هتحتاجها فيما بعد ورش علي مفصلات الباب واقفلوا وافتحوا كذا مره ان شاء الله الصوت يختفي وتبقي بسيطه

**profimh** · 30-03-2016 06:09 PM

شكرا لإهتمامك و الرد
أنا بالفعل ده كان اول تصرف عملته أنى إستخدمت ال wd 40 بس للاسف معملش حاجة و كمان ده اللى بداوا بيه فى التوكيل ولكن معملش حاجة.

**tasaka** · 30-03-2016 10:08 PM

فيه علبه اسبراى ابرو ( شحم ابيض ) او اى ماركه تانيه .. هى مخصصه اصلا للحاجات المتحركه دى

السعر 30 او 40 جم

**profimh** · 31-03-2016 03:31 PM

شكرا للرد
المشكلة انه الصوت مش فى شىء بيتحرك عشان كده الحاجات دى محلتش حاجة لما جربتها
هما بيقولوا الصوت جاى من قلووظ المسمار اللى بيربط المفصلة فى جسم العربية