نصيحه لتجديد رخصه القياده الخاصه

السلام عليكم ورحمه الله


انا رخصه قيادتى الخاصه مطلعها من مرور مدينه نصر فى التجمع


وحتنتهى كمان ااقل من شهر

ايام ما كنت لسه عند اهلى قبل الجواز كانت بطاقتى مدينه نصر

حاليا انا نقلت 6 اكتوبر وبطاقتى الجديده 6 اكتوبر

وعاوز اجدد رخصه القياده هل ينفع اجددها ومحل سكنى فى البطاقه 6 اكتوبر على اعتبار ملف الرخصه حتى الان فى مدينه نصر ولا حيطلب انه ينقل ملفى بالكامل ل 6 اكتوبر


المشكله ان نقل الملف ده من ناس كتير قالتلى انه ممكن يقعد 3 شهور وممكن اكتر وبيديلك تصريح ويخلص وتروح تجدده تانى مره واتنين لغايه ما الملف ما يجى من اكتوبر


لو فى حد يعرف طريقه يا رجاله اجدد الرخصه واخدها 10 سنين من اول مره يقولى عليها


وشكرا مقدما

مادة ( 38 ) من قانون المرور رقم 66 لسنة 73 المعدل بالقانون رقم 155 لسنة 99
على المرخص له عند تغيير محل إقامته إخطار قسم المرور المختص خلال ثلاثين يوما من اليوم التالى للتغيير بكتاب موصى عليه
فإذا كان التغيير إلى محافظة أخرى وجب عليه خلال المدة المذكورة أن يقدم إلى قسم المرور بهذه المحافظة طلبا لنقل قيد الرخصة وإستيفاء إجراءات نقل القيد التى يحددها وزير الداخلية بقرار منه . ويترتب على عدم مراعاة الميعاد فى الحالة الثانية إعتبار الرخصة ملغاة

اقتباس:

---

المشاركة الأصلية كتبت بواسطة ahmed12345678

مادة ( 38 ) من قانون المرور رقم 66 لسنة 73 المعدل بالقانون رقم 155 لسنة 99
على المرخص له عند تغيير محل إقامته إخطار قسم المرور المختص خلال ثلاثين يوما من اليوم التالى للتغيير بكتاب موصى عليه
فإذا كان التغيير إلى محافظة أخرى وجب عليه خلال المدة المذكورة أن يقدم إلى قسم المرور بهذه المحافظة طلبا لنقل قيد الرخصة وإستيفاء إجراءات نقل القيد التى يحددها وزير الداخلية بقرار منه . ويترتب على عدم مراعاة الميعاد فى الحالة الثانية إعتبار الرخصة ملغاة

---

يعنى على كده انا ماشى برخصه ملغيه اصلا ههههههههههههههههههههه


على راى عادل اما م يا بيه لو طبقوا الكلام ده على كل الناس محدش حيبقى معاه رخصه اصلا

اقتباس:

---

المشاركة الأصلية كتبت بواسطة ahmed12345678

مادة ( 38 ) من قانون المرور رقم 66 لسنة 73 المعدل بالقانون رقم 155 لسنة 99
على المرخص له عند تغيير محل إقامته إخطار قسم المرور المختص خلال ثلاثين يوما من اليوم التالى للتغيير بكتاب موصى عليه
فإذا كان التغيير إلى محافظة أخرى وجب عليه خلال المدة المذكورة أن يقدم إلى قسم المرور بهذه المحافظة طلبا لنقل قيد الرخصة وإستيفاء إجراءات نقل القيد التى يحددها وزير الداخلية بقرار منه . ويترتب على عدم مراعاة الميعاد فى الحالة الثانية إعتبار الرخصة ملغاة

---

يعنى على كده انا ماشى برخصه ملغيه اصلا ههههههههههههههههههههه


على راى عادل اما م يا بيه لو طبقوا الكلام ده على كل الناس محدش حيبقى معاه رخصه اصلا

انا راى اسهل حاجة وقانونية تغير محل اقامتك وبطاقتك على بيت اهلك فى مدينة نصر
وياخد وقت 15 يوم لتجديد البطاقة ومش هتفرق كتير يتك من بيتك اهلك كده كده هيوصلك اى حاجة على العنوان الجديد او القديم

اقتباس:

---

المشاركة الأصلية كتبت بواسطة ahmed.biso13

انا راى اسهل حاجة وقانونية تغير محل اقامتك وبطاقتك على بيت اهلك فى مدينة نصر
وياخد وقت 15 يوم لتجديد البطاقة ومش هتفرق كتير يتك من بيتك اهلك كده كده هيوصلك اى حاجة على العنوان الجديد او القديم

---

طيب لتغيير محل الاقامه بيحتاج فقط صوره من بطاقه والدى مثلا ولا حاجه تانيه علشان اثبت انى عايش معاه

انا كانت رخصتى العجمى وانتهت ولما رحت اجددها قالى اروح مرور برج العرب وطبعا رفضت علشان بعيد وكمان التصريح اللى هياخد وقت على ما يروح البرج
رحت السجل وغيرت محل الاقامة باستمارة مستعجلة ب 80 جنية يوم السبت الماضى واستلمتها يوم التلات ورحت المرور وخلصت الرخصة وكلة تمام

غير بطاقتك اسهل لبيت اهلك اعتقد هتحتاج وصل نور بس باسم والد و اعملها مستعجله و ريح دماغك

كنت مطلع رخصة من مرور بين السرايات ولم غيرت عنواني لم اخبر المرور ورحت قبل الرخصة ماتخلص بحوالي شهر مرور بين السريات قلي عنوان مش عندنا رحوح جدد في المرور فيصل طلعت بث شهادة المخلفات من مرور السريات و جبت شهادة بطنة ونظر من علي الباب ورحت اشتريت ملف من مرور فيصل وسلمت الرخصة القديمة واتصورت وخت الرخصة في نفس اليوم و كان في ناس نفس الفكرة من كذا مرور
الكلام دة من حوالي سنة

اقتباس:

---

المشاركة الأصلية كتبت بواسطة mizomizomizo

كنت مطلع رخصة من مرور بين السرايات ولم غيرت عنواني لم اخبر المرور ورحت قبل الرخصة ماتخلص بحوالي شهر مرور بين السريات قلي عنوان مش عندنا رحوح جدد في المرور فيصل طلعت بث شهادة المخلفات من مرور السريات و جبت شهادة بطنة ونظر من علي الباب ورحت اشتريت ملف من مرور فيصل وسلمت الرخصة القديمة واتصورت وخت الرخصة في نفس اليوم و كان في ناس نفس الفكرة من كذا مرور
الكلام دة من حوالي سنة

---

الرخصه كانت بمده 10 سنين ولا تصريح لغايه نقل الملف؟؟؟؟

الرخصة ١٠ سنين ولا في نقل ملف وختها في نفس اليوم اشتريت ملف جديد في المرور

استنى لما رخصتك تنتهي خالص وروح المرور بتاع العنوان الجديد طلع رخصة جديدة خالص كأنك أول مرة وماتجيبش سيرة القديمة نهائي..

وطالما القديمة فترتها منتهية خلاص يبقا مافيش عليك اي مسئولية قانونية..
هايبقا عليك مسئولية قانونية في حالة واحدة هي ان الاتنين يبقوا ساريين مع بعض حتى ولو ليوم واحد (بتبقى جنحة اسمها الجمع بين رخصتين)
وده مش هايحصل لو سيبت الأولى تنتهي بعدين طلعت التانية عشان تتفادى أي مسائلة قانونية..

أعتقد حل أسهل

طلع بدل فاقد للبطاقة الحالية (أكتوبر) و بكده يبقى تاريخ إصدارها جديد تطلع بيها على المرور عادى يبقى إنت بلغت بتغير محل الإقامة وقته و خلصنا

للافاده علشان اللى عاوز يجدد الرخصه ونفس حالتى

تم تجديد الرخصه كالتالى

تم احضار شهاده بيانات مع شهاده مخالفات من المرور الاصلى اللى مطلع منه رخصه القياده الاصليه

تم احضار شهادات الباطنه والنظر

ثم بعد ذلك الذهاب للمرور الجديد حسب البطاقه

يتم توقيع ما يسمى بغرامه تبعا للماده 38 علشان لم يتم تبليغ المرور خلال شهر بتغيير محل السكن

يتم دفع 100 جنيه عرامه ويتم اتخاذ كافه الاجراءات من جديد كانك حتطلع رخصه من اول وجديد بس بدون امتحان

يتم تسليم الرخصه القديمه وتسليمك رخصه جديده


شكرا لكل زميل حاول يساعدنى بمعلومه هنا

اقتباس:

---

المشاركة الأصلية كتبت بواسطة m.abdou

للافاده علشان اللى عاوز يجدد الرخصه ونفس حالتى

تم تجديد الرخصه كالتالى

تم احضار شهاده بيانات مع شهاده مخالفات من المرور الاصلى اللى مطلع منه رخصه القياده الاصليه

تم احضار شهادات الباطنه والنظر

ثم بعد ذلك الذهاب للمرور الجديد حسب البطاقه

يتم توقيع ما يسمى بغرامه تبعا للماده 38 علشان لم يتم تبليغ المرور خلال شهر بتغيير محل السكن

يتم دفع 100 جنيه عرامه ويتم اتخاذ كافه الاجراءات من جديد كانك حتطلع رخصه من اول وجديد بس بدون امتحان

يتم تسليم الرخصه القديمه وتسليمك رخصه جديده


شكرا لكل زميل حاول يساعدنى بمعلومه هنا

---

الف شكر ربنا يطمنك

اقتباس:

---

المشاركة الأصلية كتبت بواسطة M.ABDOU

للافاده علشان اللى عاوز يجدد الرخصه ونفس حالتى

تم تجديد الرخصه كالتالى

تم احضار شهاده بيانات مع شهاده مخالفات من المرور الاصلى اللى مطلع منه رخصه القياده الاصليه

تم احضار شهادات الباطنه والنظر

ثم بعد ذلك الذهاب للمرور الجديد حسب البطاقه

يتم توقيع ما يسمى بغرامه تبعا للماده 38 علشان لم يتم تبليغ المرور خلال شهر بتغيير محل السكن

يتم دفع 100 جنيه عرامه ويتم اتخاذ كافه الاجراءات من جديد كانك حتطلع رخصه من اول وجديد بس بدون امتحان

يتم تسليم الرخصه القديمه وتسليمك رخصه جديده


شكرا لكل زميل حاول يساعدنى بمعلومه هنا

---

الف شكر