رأيكم في أوبل استرا gtc يا اهل الخبره
مساء الفل أو صباح الفل ( علي حسب انت هتقرا الموضوع في انهي وقت ):D
إستفسار وأرجو الرد لو سمحتوا :)
بصو يا شباب انا معرفش حاجه عن الأوبل خاااالص انا راجل بتاع كيا ومليش في الأوبل
بس كنت عاوز عربيه تانيه .. فـ فيه قدامي أوبل أسترا gtc موديل 2008 فبريكه بره وجوه وحالتها تمام جداً
لونها لبني والسقف إسود .. العربيه هاي لاين بانوراما بصمه .
كل اللي فيها عاوز يتعمل الفوانيس الأماميه مشبره شويه ( بحكم الموديل ) فهبقي عاوز أغيرهم لو ربنا كتب ليا نصيب فيها وكمان المرايات بتاعتها مكسوره فعاوز أعرف المرايات والفوانيس الأماميه عامله كام ؟
ثانياً عاوز أعرف العربيه فيها أي عيوب أو قطع غيارها نادره أو غاليه هي معروضه عليا بـ 75000ج
هل السعر ده كويس عليها ولا غالي ولا رخيص .. أنا لسه مكشتفش عليها .. تنصحوني أكشف عليها فين ؟
وأسف للأطاله ,.,.,., وشكراً مقدماً :)
