مشكلة فى عربية فيرنا 1600 مانيول موديل 2011

انا دلوقتى ظهرت عندى مشكلتين مش عارف ايه سببهم
المشكلة الاولى: Rpm احيانا وليس دائما بيعلى ويوطى لوحده ولما تكون العربية ماشية بسرعة على 3000 rpm وداخل على مطب واخلى الفتيس مش متعشق الاقى عداد rpm بينزل لحد 1000 او 1500 لفة مع انه المفروض والعربية مش واخدة غيار ولا دايس بنزين يبقى على 800 تقريبا..بس احيانا مش بينزل عن 1000 واحيانا ينزل للمعدل الطبيعى..طبعا نضفت حساس الايدل والبوابة وبرضه المشكلة مستمرة ياريت الاقى حل ليها او اعرف ايه سببها

المشكلة الثانية: احيانا والموضوع دا بيحصل قليل مش كثير لما اجى ادور العربية مش عارف بقى وصف المشكلة الصح ايه..كأن البطارية نايمة المارش ياخد سنة ومافيش حاجة تحصل..يعنى لما بتيجى تدور العربية المارش بيفضل يدور لحد ما الموتور يشتغل او لو الموتور مش هيقوم بيفضل المارش شغال لحد ما تفصل الكونتاكت..لا انا عندى يلف تكة وميكملش ..البطارية عندى جافة والعدسة مبينة لون اخضر وبتدور العربية دايما لكن الموضوع دا بدأ يحصل على فترات متباعدة كان المارش مش لاقى كهرباء تشغله او مش قادر يقوم الموتور كان المارش مخنوق اتمنى يكون حد فاهم قصدى برضه ياريت اعرف المشكلة دى سببها ايه..