الله ينور عليك يا ايهاب باشا .... بجد بسم الله ما شاء الله عليك .. حضرتك طلعت موسوعة في البيتلز و صيانتها ....
عرض للطباعة
الله ينور عليك يا ايهاب باشا .... بجد بسم الله ما شاء الله عليك .. حضرتك طلعت موسوعة في البيتلز و صيانتها ....
ربنا يخليك يا باشا
و بس الواحد بيحب يعمل حاجات بايده زائد لما تبقى مش فاضى و بتروح لميكانيكى فابتبقى عارف الشغلانة قد ايه و عارف اللى حايتعمل + انت بتروح له و انت محدد المكشلة عندك فين
و بالتالى بتبقى اصعب شوية انه يعمل عليك شغل
بالاضافة الى انك فى اى طارئ من الطوارئ تعرف تتصرف و ماتقفش
انا معنديش مشكلة لو حبيتوا يوم مثلا يكون سبت و لا حاجة نتجمع فى مكان و نطبق عملى الحاجات دى
و مهم طبعا انك يكون معاك عدة مناسبة و كويسة
الله ينور عليك يا أستاذ أيهاب وكلامك هيشجعنى أنى أعمل الحاجات دى وكنت بفكر أعملها من زمان بس كنت متردد ودة لعدة أسباب منها أنى لوفتحت الكاربراتير وعملت كل دة وجيت أقفلة أكيد لازم هحتاج أحط جوانات جديدة طبعا هدور عليها ويمكن الأصلية مش موجودة فى السوق وأضطر أروح أجيب واحد متفصل وطبع مش هيبقى زى الأصلى لا فى السمك ولا الخامة وأكون جنيت بنفسى علية , فأنا لو ضامن الاقى الحاجة الأصلية مش هتردد فيترى ألاقيها عند مين؟ ولوعايز أغير بيكات علشان أوفر بنزين أغير أنهى واحد ورقمة كام ؟
بالنسبة للأسبراتير كنت متخوف من رفعة من العربية لأنى كنت فاكر أنة لو ركب غلط هيدوخنى زى ال128 بس فية سؤال أن لو مثلا العربية أتحركت بعد فك الأسبراتير الدنيا هتطلغبط ولا أركبة عادى ومفيش مشاكل
وشكرا على شرحك الوافى
بالنسبة للجوان مفيش منه مشاكل و مش حايتقطع ان شاء الله و لو احتجته موجود عند بتوع قطع الغيار
البك اللى فى حوض الكربراتير غالبا بيبقى 115-120 - 125 -130 و كل ما زاد الرقم كل ما استهلاك البنزين زاد بس خلى بالك برضه كل ما تقلل الرقم ممكن تخنق العربية ( يعنى بتجرب لغاية ما توصل لاحسن حاجة من الناحيتين - مش مخنوقة و الاستهلاك معقول )
بالنسبة للاسبراتير ما تقلقش منه تماما ( احسن كثير من بتاع الـ 128 و مالوش غير وضع واحد بس لازم يركب فيه و مايركبش الا فيه حتى لو عملت ايه ( بتسقط الايراتير مكانه و تمسك الشاكوش و تلفه لغاية ما ينزل مكانه )
السلام عليكم و رحمة الله و بركاته
بارك الله فيك يا أيهاب باشا يا كبير :Ta_clap[1]:
و الله شرح ولا أجمل ولا أروع ولا أحلى من كدا
و الله انت ريحتنا و شجعتنا و طمنتنا و شوقتنا
- ريحتنا بكلامك
- شجعتنا نجرب
- طمنتنا إن لسه فيه ناس بتحب الخير للناس و بتحب تساعدهم
- و شوقتنا بجد نشوفك و نقابلك
بارك الله فيك و فى الأستاذ/ رأفت و فى كل من يعمل على إفادة الناس و توجيهم إلى ما فيه الخير و الصلاح :satelite:
:w6266d
أستاذ/ إيهاب
إيه هو نوع الإسبراى المستخدم فى تنظيف الكربراتير؟ و سعره ؟ و ممكن نجيبه منين ؟
شكراً
بارك الله فيك يااستاذ ايها بصراه انا قريت كلامك وانا فى غايه من التشوق والاستمتاع لانى بفرح جدا لما اعرف ان فى حد بيعمل حاجته بايده وبعد كلامك ده انت فعلا شجعتنى انى اجرب بنفسى حاجه وراحاجه
وكلامك مظبوط ميه فى الميه اى حد منا معرض انه يعطل فى اى مكان يبقى على الاقل يعرف يتصرف ويسعف نفسه بدل ما يضطر انه يجيب اقرب ميكانيكى للمكان اللى فيه العطل ويفتى فى عربيه يجهلها
وكمان انا زهقت من موضوع العوامه والعداد ومابقتش عارف اعمل فيهم ايه انا لسه جاى النهارده من عند كوستا بتاع جسر السويس وروحتله بس عشان هو صلح العداد بايده وغيرلى العوامه بتاعتى بواحده تانيه من عنده وكمان النهارده لما قولتله ان المؤشر مش بيجيب غير النص وانا مفول راح مغيرهالى تانى وبرضه وانا مروح روحت فولت ولقيت المؤشر برضه على النص ومافيش فايده بس الغريبه انه وهو بيعمل قفله للعدادمن غير العوامه بلاقى المؤشر يوصل للاخر يعنى المفروض ان العداد سليم
معقوله ال3 عوانات اللى ركبهم كلهم بايظين ياريت لو عندك فكره تقوللى اعمل ايه واخيرا وليس اخر احب ارحب بيك فى مواضيعنا وبصراحة كلامك كلنا استفادنا منه ونتمنى المزيد من الشرح منك ومن باقى الاعضاء اى عضو مايبخلشى باللى يعرفه او اللى جربه فى عربيته
يا جماعة انا تحت امركوا فى اى حاجة بشوية المعلومات المتواضعة اللى عندى و ربنا يكرمنا و نقدر نفيد الناس كلها ان شاء الله
بالنسبة للاسبراى الخاص بالتنظيف ممكن من التوفيقية او من اى مارت من محطات البنزين و ده بيبقى فى حدود ال 25 -30 جنيه تقريبا
استاذ احمد - ربنا يبارك فيك و بجد انا نفسى اشوفكوا قريبا ان شاء الله
استاذ هاشم - ربنا يبارك فى حضرتك - بالنسبة لموضوع العوامة اعتقد لو جبتها جديدة حاتبقى ارخص ( حتى لو اغلى سعرها ) من انك كل شوية لرايح جاى على بتوع العدادات و الله اعلم بيبوظ و لا بيصلح