هل فعلا تكييف الريو ضعيف بالذات فى الصيف مع ترك السيارة فى الشمس لمده طويله ؟
مع العلم انا معايا ريو 2012 خليجى سيدان ماشيه 50000 ك وغيرت الفريون السنه ال فاتت دون اى فائده .
حد عنده اقتراح!!!!!!
عرض للطباعة
هل فعلا تكييف الريو ضعيف بالذات فى الصيف مع ترك السيارة فى الشمس لمده طويله ؟
مع العلم انا معايا ريو 2012 خليجى سيدان ماشيه 50000 ك وغيرت الفريون السنه ال فاتت دون اى فائده .
حد عنده اقتراح!!!!!!
اي عربيه تقف في الشمس مده طويله بتحتاج فتره للتخلص من الحراره
مهم جدا تفتح الاربع شبابيك اول ما تدخل العربيه
تمشي دقيقه او اتنين تتخلص من الحراره المحبوسه
تبدء تشغل التكييف
ومهم كل سنه تراجع دوره الفريون والتكييف عندك
لو متعوفش حد محترم ممكن ادلك علي واحد محترم جدا في الحرفيين بس غالي شويه وعنده كمبيوتر عشان ينضف دوره الزيت بالكميه المظبوطه بالجرام والفريون بالجرام
ياريت يا كريم تبعتلى رقمه اكون شاكر ليك.
انا فاهم ال انت بتقوله بس للاسف بعد مابعمل زى ماقلت درجة التبريد مابتوصلش للمعدل المتعارف عليه فى العربيات اليابانى والكورى وهى ده المشكله
بالاضافه الى انى عندى معلومه من واحد صاحبى معاه نفس الشكل موديل 2014 بيقولى فعلا تكييفها ضعيف
فحبيت اتأكد من مالكى نفس الموديل .
زي ما قاللك أستاذ كريم... أهم حاجة تتخلص من الحرارة الزايدة الأول..
وحاول تعمل الآتي كمان:
لما تفتح الشبابيك كلها افتح كمان التكييف ووجهه ناحية الزجاج الأمامي (من بكرة التكييف الوسطى).. كده حضرتك بتطرد الهوا السخن المحبوس جوه مواسير التكييف جوه التابلوه.. وكمان الهوا السخن بين الزجاج الأمامي والتابلوه.. وخلي المروحة على أقصى سرعة.
بعد حوالي دقيقة.. ابدأ حول بكرة توجيه التكييف لباقي الأوضاع.. علشان تطرد أي هوا سخن محبوس هنا ولا هنا..
خلال 3-4 دقايق.. تقدر تقفل الشبابيك.. ونقدر نقلل المروحة لو حبيت... وخلال 10-12 دقيقة إن شاء الله هتلاقي الصالون بقت حرارته كويسة جدا.
وأنا شخصيا مؤمن بمقولة "الوقاية خير من العلاج"...
استخدم شماسات عاكسة عند الزجاج الأمامي وستارة للزجاج الخلفي.. ولو قدرت كمان للزجاج الجانبي اللي متوقع إن الشمس تدخل منه...
http://g02.a.alicdn.com/kf/HTB1xsegJ...Reflective.jpg
http://ecx.images-amazon.com/images/...dL._SX425_.jpg
في الحالة دي.. الحرارة جوه العربية هتكون أقل كتير والوقت اللي محتاجه للتبريد كمان هيكون أقل.
...
شكرا على الاهتمام borio1704 والرد خاصة معلومة توجيه التبريد للبرابريز الامامى .